2
-مليكه: ولك ريجي يبس شربنه شي
-كُميل: اي يمه تدللين بس اكعدن بالسيارة وانه اجيبلجن الي تردنه الجن
- ليش بالسيارة خلينه ندخل جوه نشوف الوادم ونتونس
1
باوعلي بنضره خاطفه ورجع يحجي وياها ..
4
- لا يمه على بختج صدك تحجين امشن للسيارة
19
صارت تحجي عليه امه وهُوَ ماهتم كعدنه وانه شعوري متعب مشتاقه الامي شنو اخبارها هسه نستني لو بعدها تذكرني اختي هم تتذكرني نزلت دمعه مني مسحتها شيفيد البجي اهوايه بجينه ..
رجع كُميل وبايده عصير النه ماشربت مالي نفس حاولو ويايه بس ماكدرت لعبانه نفسي من كلشي وصلنه للبيت نزلنا جاي نمشي اجاني فضول اعرف شغله شنو وكفت التفتت اله ..
- عادي اسئلك سؤال
- هنا
- باوعت خاله مشت كدامنه هزيت براسي اي
- اسئلي ام عيون
1
- انتَ شنو شغلك
- معرض سيارات
20
- يعني تبيع سيارات
6
-  اي
- ها الله يرزقك حلو شغلك
ابتسم بوجهي وكملنه مشي دخلنه للبيت فرة السوك توكع الرجلين من التعب والفرة الي الواحد يفرها اجه عمر كعد يمنه ..
1
-عمر: شلونج مرت خالي
5
-غرام: الحمدلله
رجع باوع لخاله مليكه كاللها..
-عمر: ارسلان جاي بالطريق يكول خلي مليكه تسويلي اكل دسم كون
-مليكه: سوده بوجهي اكيد هناك ماياكلون اكل زين
1
طفر كُميل عليها بعد ماجان متمدد عود تعبان ..
كُميل: يمه وحك الزهره انتِ فد عياره من يجي من دوامه تشبعي نعل من يروح تضلين تبجين عليه
30
-مليكه: مالك عرض انتَ انه وابني
هز بايده ماعاجبه للمغرب دخل ارسلان ومبين تعبان من وجهه انه قبل جنت اسمع من ابوي الي بالجيش ماينامون طبيعي مثلنه ولاياخذون راحتهم شغلهم كله تعب بتعب وكفت على جهه سلمو عليه تقدمت مليكه حضنته تبجي لان هل المرة حسب كلامها تكول طول ..
-مليكه: يابعد روحي شصاير بيك سوده بوجهي
حضنها مبتسم بتعب ..
-الاعرج: اويلي من عيارتج ملوكه
17
بسرعه عاطت بيه ..
-مليكه: من فلك صابك انتَ وخالك
17
ضحكت على سوالفهم ومداهرهم لبعض تشوفهم عائله حلوة بشقاهم وسوالفهم بس ماتعرف شنو المضموم داخل هل البيت من اسرار وغموض ..
شافني رفع ايده يسلم عليه ..
-الاعرج: السلام عليكم مرت خالي العزيز
-غرام: عليكم السلام
راد يدخل لغرفته التفت النه گال ..
- انسام جايه بالطريق خابرتني
14
صاح كُميل ..
- لا هلا ولا مرحبا
انه مثل الاطرش بالزفه ماعرف منو انسام وشتصير منهم وكفت اجهز بالعشاء ويا خاله شوي وسمعنه ربده شي وكع وهوسه طلعنه شفت الولد واكفين يسلمون على بنيه شابه بعدها وعندها طفلين وخطيه كُميل لعب بيها لعب ..
2
-كُميل: ادري ماعندكم عشه جايينه هسه يالفكور
23
-انسام: هاي شبيك خالي كل مااجي تحجي عليه فوك ماجايتكم مشتاقتلكم
- خالي بس شوفيلي جهالج قروده ذوله قروده
- اتحملونه هنه كم يوم
اجت تضحك سلمت على مليكه سلام حار وتحضن وتبوس بيها صارت عيونها عليه ابتسمت بوجهي ..
صاحت ..
-انسام: هاييي شنوو خالي هاي مرتك
كُميل: شبيهاا ولج
- تخبل والله شنو عمي هل الجمال حقه خالي يطيح على وجهه دشوف العيون
8
سلمت عليه تسولف ويايه دمها محبوب اجه كُميل دفعها من يمي ..
- ادري شبيج لزكتي ماشايفه ولغسل
21
- غير نشوفها شمالك
- ولي منا ولي الاخوانج
9
راحت كعدت بصف عمر هل الانسان شكد ماكول عنه هادئ قليل طلع ارسلان من غرفته كوه فاتح عيونه سلم عليها ومبينه هيه شكد تحب اخوانها ..
-انسام: ارسلان تقبلها خالي يطرد بيه انه وجهالي
-الاعرج: خويه همه جهالج ماينحملون
19
اجه واحد من جهالها طفر على ارسلان يضرب بيه صاح ..
2
- هاج استلمي همه ذوله جهالج بس كليلي انتم هناك بيت رجلج عايش وياكم قروده
1
هيه عندها ولد اثنين بس صدك عبثين ووكحين كل شوي طافرين على واحد من خوالهم آخر شي كُميل من كعدنه نتعشه مايكعدون كام شال النعال يلا مهمة ياكلون وكل شوي ارسلان وكُميل يذبولهم حجايه على البنيه بالاخير ضاجت منهم ..
-انسام: شمالكم وياي بس تطردون بيه غير اهلي واجيكم
حضنها عمر يضحك ..
-عمر: مالج علاقه بيهم البيت بيتج بعد اخوج حتى لو تكسرينه فدوه الج
-انسام: بعد عمري عمير
وكف الاعرج دخل للمطبخ طول شوي وطلع بايده صينيه بيها اكل دخل لغرفة صرت اباوع وراء منو بالغرفة وصارلي فترة هنا ماشفت احد غيرهم فزيت من افكاري على صوت انسام تهمسلي ..
25
-انسام: لا تعبين عقلج بالتفكير لان عقلج يتعب وانتِ ماتوصلين لجواب لاسئلتج وتفكيرج
29
رجعت اكل ساكته مافاهمه شي لثاني يوم كعدنه لان اليوم العزيمه لان بدت اقاربهم تجي لبست الفستان الي اشترو الي رادت تحطلي انسام مكياج ماقبلت مو كلش احبه على طبيعتي احلا احس ..
- خايبه شبيج بس شويه غير عروس
- لا ماحبه والله
- براحتج خيه هو انتِ تخبلين بدون مكياج مايحتاجلج بس لان عروس

هزيت براسي متفهمه كلامها طلعنه من خاله صاحتلنا كالت الناس تريد تشوفني اتوترت بس سيطرت على نفسي كعدت بصف انسام بس صار شي مامتوقعته رفعت راسي وشفت وحدة هل الوحدة شايفتها او بالاحرى متاكدة منها هاي المرة بمنطقة اهلي شايفتها وعلى كم مره جايه لبيتنا ..
19
صرت وراه انسام لا تشوفني وتفضحني ام كُميل عندها علم بكلشي بس لباقين لا وخصوصاُ اقاربهم موجودين بس مانجحت بهل الشي ..
كامت وكفت تتفحصني بنضراتها التفتت لخاله ..
- ام كُميل جنتج يمكن اعرفنها
6
رجفت بخوف تحجي شي وتفضحني ردت عليها خاله ..
- منين تعرفينها ام احسان
- شني خاله شحت بنات تاخذون هاي
9
تأشر عليه باستصغار كامت وكفت انسام ..
-انسام: خير خير شنو هل الحجي
1
- انتم تدرون الي ماخذينها شنو
بلعت ريكي ارجف ولازمه بفستان انسام من تحولت انظار الكل عليه ..
- شبيها الي ماخذينها خاله شو حجيج ما ادري شلونه تره كاعدة بنص بيتنه وتحجين على جنتنا
2
- والله يخاله مادريت بيكم تلفون ناس بدون شرف هاي الي كدامكم شارده من اهلها ومغتصبه وامها ماتت بسببها وبسبب عارها
59
عفت كلشي عفت كل وجعي وكل جروحي وكل كلامها ركزت على شي واحد الي هو امها ماتت بسببها رجعت اتكمل بكلامها ..
- هاي الي كدامكم ناهبه وموشريفه
15
نزلت دموعي ارجف لازمتني انسام واجه صوت كُميل رج البيت بصوته سكت الكل على اثر صوته بعد ماصارت هوسه رفعت عيوني اباوعله وجهه محتقن مكلوب لونه وكف كبالها يحجي بصياح ..
كُميل: انتِ بأي ححق تحجينننن على مرتييي هيج
2
- بس ..
ماخلاها تكمل بكلامها وهُوَ يرجع يرد عليها ..
- تطلعين من بيتي بكرامتج لو تفضلين تنهانين اختاري وانه حاضر للي بخاطرج
رجعت تحجي بحقاره وهيه ترد عليه ..
- تطردني علمود هل الفرخه الماتسوه شعره
من شاربك
12
بديت افقد توازني آخر شي سمعته جملته وهُوَ يكلها ..
- شاربي الي تحجين عنه ازينه بالنعال اذا غيرتي قبلت احد يهينها
68
غمضت عيوني مرخيه كل جسمي كلامها يرن بأذني امي ماتت بعد ماعندي ام امي راحت من الدنيا ..
8
فتحت عيوني وانه بالمستشقى شفته كاعد كبالي انفجرت بالبجي اتهسترت وهُوَ لازمني يحاول يسيطر عليه ابجي بكل حركة گلب ولوعه شوغاتي كثرن كثرن حيلي انهد ..
1
-كُميل: كافي غرام حرام تسوين بنفسج هيج
-غرام: جنت تدري امي ميته مو احلفك باعز ماعندك
3
هز براسه بجيت اكثر نمت بهدوء منطيته ظهري وشهكاتي تعتلي ماتنصى بجيت لحد ماعيوني صارت تطلع شرار منهن راسي احسه يريد ينفجر عبالي طلع بس شفته بعده كاعد مكابلني ساكت ..
2
- وبجيتي راح ترجع
هزيت براسي بمعنى لا ..
- اذيتي نفسج راح ترجع
- هم لا
- شنو هل الضعف الي عندج
رفعت عيوني اله ..
- ليش الي مثلي شتريدها تكون
- ليش شبيج انتِ شنو هل الاستحقار لنفسج اذا انتِ بنفسج مستحقره نفسج وتهينين بيها وضعيفه وساكته عن حقج شتتوقعين من الناس اصحي على نفسج غررررام اصحييي كاافي ضعف
7
- بس انه ..
1
اجه كعد بصفي لازم ايدي بايديه ..
- ماكو بس وماكو انه لازم تكونين قوية الضعيف مايعيش بالحياة اخذي حقج بهل الايدين لاتسمحين الاحد يمسج بكلمة انتِ اشرف منهم واطهر منهم
7
اذا انتِ تضعفين وغيرج يضعف وتسكتون عن حقوقكم وتخلون اليسوه والمايسوه يحجي عنكم شلون راح تكدرون تعيشون تذكرين أول ماشفتج
من كتلج ذئاب بشريه غرام العالم ماترحم الضعيف
7
وانه ماتعجبني البنيه الضعيفه احب الي تأخذ حكها من العيون عندي ثقه بيج ساعدي نفسج بنفسج محد يكدر يساعدج غير نفسج اخذي القوة من رب العالمين بعدها من نفسج حاربي لأجل حقج الالاف البنات مثل حالتج بيهن الي استسلمن وبيهن الي حاربن وصارن قويات وشوفي وين وصلن اليوم وحدة منهن من ينذكر اسمها المقابل يكول كل الشرف عنها انقذي نفسج انقذيها غرام ..
9
ادري الشي الي مريتي بيه مو سهل ولا سهل تتخطينه بس انتِ ماجاي تساعدين نفسج ماراح تنسين شي ماكو شي ينتسى بس تتخطين من تحبين نفسج وتقوينها حواء مامسموح الها الضعف بالقبول كلشي يتسهل شكد ماجان صعب ..

مارديت عليه ولا على كلامه رغم جان يشرحلي كلشي بضمير وكلامه كله صح بس احس نفسي جسد بلا روح مامتقبله اي شي لبسني حجابي وعبايتي سندني امشي وصلنه للسيارة نزل منها عمر ...
-عمر: الحمدلله على سلامتج

-غرام: الله يسلمك
صعدني كوه اعين بنفسي مابيه حيل رجعت راسي لوره واتذكر امي اخ يايمه يابعد روحي رحتي وانه ماشابعه منج فرفحت روحج عليه وهسه روحي الفرفحت عليج وعلى خبر موتج ..

كُميل: امي وانسام انه ماخليتهن يجن
مارديت عليه ساق عمر السيارة مشت طول الطريق سأكون وكُميل يحجي على المره بس يمكن لو مالمره انه لليوم ماعرف بأمي ميته واضل على امل نلتقي بيوم رجعت للواقع من افكاري من وكفت السيارة صارت عيوني على الي كدامنه الدنيا ليل والطريق مابيه احد بس هل السيارة لمحت ابن عمي واكف أي اعرفه هذه هُوَ رادو ينزلون لزمت كُميل من ايده ..

- ويننن نازل فدوه لا تنزلون شوفهم مسلحين
- اهدي خالي انزل اشوفهم وارجع
- ذوله عمامي والله عمامي
- استغفرلله واذا صخامج عمامج اكعدي بالسيارة ممنوع تنزلين منها
مارد عليه نزل هُوَ وعمر وهذه اصعب موقف مريت بيه بحياتي من بعد يوم اغتصابي اباوعلهم كلهم مسلحين وكُميل وعمر ماعندهم سلاح صرت الوب وحدي وادعي ربي مايصير شي بس عمامي وادري بيهم مايمررون شي بسهوله صرت ادور على جهاز احد بيهم شفت بمكان كُميل جهازه سحبته من الخوف والرجفه الي احتلتني الزم بالجهاز ويوكع مني مابيه رمز فرحت اكثر صرت ادور على رقم ارسلان لكيته بسرعه اتصلت عليه اجاني صوته ..

-الاعرج: ها خالي
شهكت بدموعي رد عليه ..
- منو
- انه انه غرام فدوه خويه تعال الحكلنه راح يأذون خالك واخوك
بسرعه كال ..
- وين انتم
- احنه بالطريق مال المستشفى الي على طريق بيتكم
سده بوجهي وبقيت كاعدة انتظر بس ماكدرت الزم نفسي وماانزل من شفتهم صارو يدفعون بالولد ووكعو عمر بالكاع نزلت اسحل بنفسي صرت بنصهم وكُميل تخبل من شافني ..
كُميل: شكووووو نزلتيييي انه شحجيتتتت

مارديت عليه رحت اتوسل ب ابن عمي الي واكف ..
-غرام: محمد فدوه لاتسويلهم شي والله همه مالهم علاقة بيه اخذني الي واتركهم بس لاتسوي شي يأذيهم
صااح كُميل ..
- وحك الزهره ام الحسن الي يتقرب الها اكسر ايده

همه شنو ذنبهم قدمولي الخير ارجعه الهم بشر لا غرام لا مالازم تسمحين بهل الشي ..
- انتم موتردون تطمون عاركم هاي انه كدامكم اخذوني وعوفوهم
سحبني من شعري يعت بيه ..

-محمد: اشهر صار ندور عليج لا ليلنه ليل ولا نهارنا نهار نزلني روسنا ياكلبه

-كُميل: ماكلب غيرك يالخنيث تتقون على بنيه اذا انتم زلم صدك واجهو زلم مو نسوان وعاركم طمو بابن عمكم مو بيها ياناقصين العقول

ماحس غير انشاليت براشدي شل وجهي شل وكعت بالكاع كام يضرب بيه وضربه اقوى من ضربه والولد يصيحون لازمينهم ..

صرت اكح دم وكفت السيارة ونزل منها ارسلان وياه ولد ماعرفه ماشايفته قبل صارت عيوني تفتح وتغمض من الوضع الي انه بيه جسمي كله صار جروح دخلو بنص وهنا صارت ماشوف شي غير ناس تضرب بناس خفت اكثر لان عمامي عندهم سلاح محمد لزمه كُميل وكام يضرب بيه ويصيح ..

- الايد الي تنمد عليهااا اكسررررها ولخلقك

هايهيه لهنا بعد ماكدرت افتح عيوني اتمنيت اغمض عيوني بعد ما افتحهن بس يكلك القدر اله رأي آخر ..

**
طلعت من حنين تعبتني هل الفترة حيل تعبتني وحتى ابويه بدأ يتسائل عن وضعها نزلت صار بوجهي ..
-سلطان: اختج شبيها
-غياهب: مريضه بابا

- شطلع من مرض لاتقبل تروح دكتور لا تقبل تحجي الي بيها والله حيرتني
- ميخالف بابا اتحمل انشوف تاليتها
- غياهب ممنوع الطلعه هل الفترة
باوعتله بأستغراب ..
- ليش ؟
- عبد شرد
- هااا ؟ شلون
- ما ادري ارسلان بلغني هل الشي

اتصل بابويه رقم باوعلي اشرلي اسكت فتح خط
-سلطان: الو
ماكو اي رد رجع كرر ابويه كلامه نفس الحاله سده وهل الاتصال متاكدة وراء شي سده وهُوَ ممقتنع
احس على ساعه انفجر باليل جبرنه حنين تروح ويانه لبيت خالي جابر وادري بيها ماتريد تروح تخاف تلتقي بدرغام كلش مصختها اختي بتصرفاتها وبديت اعترض عليهن ..

- وواجهي ماتريدي كليله لاتخلينه على الامل هايهيه الحب مو اجباري
- بس راح يعوفني
- مايعوفج كتلج بس خليج صريحه وياه
طلعنه لبيت خالي ابويه كال عنده شغل هو وخالي طلعو دخلنه جوه ربحت بينه خالتي جوهره ..
-جوهره: ولجن عدلات ميتات شبيجن كلش ضاعت اخبارجن
-غياهب: حقج خاله باوعت لحنين رجعت باوعتلها .. بس حنين عندنه تعبانه شويه
- خيرج بنيتي
-حنين: لايضل بالج خاله حبيبتي تعبانه شويه
دخل درغام مامنتبه علينه عباله امه وحدة ..
-درغام: اكلج يمه وين هذه الـ ....
سكت من شافنا عيونه تحولت على اختي الي تتغاضه نضراته ..
- شلونج غياهب
- بخير ابن خالي وانتَ
- تحت رحمة الله
هزيت براسي ساكته عيونه ماشالها عنها حتى وهُوَ يحجي ويايه بالاخير گال ..
- حنين
رفعت براسها تباوعله بس اختي منتهيه وهنا اثبتت مقولة التعليق يأذي اكثر من الحب بذاته وسبب عذاب اختي هُوَ تعلقها بيه وخوفها ياركها ..

-حنين: هلا درغام
- شلونج
- زينه
بقى كاعد خالتي تسولف ويايه وعيوني عليهم عيونه هُوَ اتلاحكها وهيه تتهرب اجتها رساله على جهازها وطلعت طلع وراها لزمت گلبي من الي راح يصير ..
-حنين: احس رجليه بعد مايحملني
-درغام: فهميني شبيج هيج صاير بيج ليش تتهربين حتى من نضراتي الج احجيلي سويت شي غلط غلطت بحقج ليش هل البرود والتجاهل
- تتقبل الصراحه حتى لو جانت تأذي
باوعلي بنضرات عتب اعترف اذتني بس ماكدر اوهمه بشي ماموجود ولا اكدر اذي اكثر اليوم لازم اصارحه بكلشي ..

- اي اتقبلها اذا تنهي هل العذاب
لزمت ايده ضغط على ايدي غمضت عيوني ..
- انتَ انسان معزتك خاصه بگلبي من طفولتي لليوم انتَ موجود بحياتي ماقصرت بشي ويايه فتحت عيوني المدمعه انه احبك بس مااحبك نفس الحب الي تحبنياه
- كملي كلامج
بقيت لازمه ايده واحجي الي بداخلي ..
- انه والله ماريد اوهمك بشي ماموجود ولا اجذب عليك هنيالها الي تحصل انسان يحبها مثلك بس شسوي شسوي لنفسي مشاعري تجاهك مشاعر صداقه ماعندي شي اكثر فدوه درغام انتَ جاي تفهمني

بلعت ريكه وضغط على ايدي اكثر بقوه ..
- اي افهمج حنيني
- جنت اتهرب منك كل ذيج الفترة اخاف من خسارتك
صرت اشهك بالكلمة واحجي ..
- ماريد شي يأثر على علاقتنا ادري صعبه عليك بس مابيدي شي
ابتعد عني وسحب ايده من ايدي حسيت گلبي راح يوكف من جوابه الي ..
ضل واكف داير وجهه عني وكل شويه ماسح وجهه بالاخير دار بجسمه عيونه حمر اجه سحبني وكفنا يم الحايط انفاسه تضرب بوجهي ..
- ادعيلي حنيني ادعيلي الله يبرد گلبي بس لاتدعين الله يرزقني بغيرج ما ابريج الذمه

- بس ..
- اشش اسكتي كافي تبجين هايهيه الي تريدي يصير بس لاتذبلين اكثر جاي اموت الف موته بداخلي وانه اشوفج هيج

لزم وجهي بكف ايده والايد الثانية لازم ايدي بيها ..
- بلائي الجميل انتِ

نزلت دموعي اكثر وانه اشوف وضعه شكد تعبان ..
- درغام
- اشش كافي مو كتلج كافي تبجين هايهيه الي تريدي يجرالج وحك عيونج هاي
ابتعد عني طلع من البيت كله كعدت بالكاع منهاره ماابجيت على نفسي ولا انقهرت على نفسي كل عذابي بسببه من اشوفه جاي يتعذب اتعذب وياه من اشوفه تعبان اتعب وياه طلعت غياهب اجتني تركض ..
-غياهب: حنين شبيج شصارر
حضنتها بقوة ابجي بصوت ..
-حنين: حجيتله كلشي كلشي ما اكدر اغشه او اضحك عليه ووهمه بشي ماموجود راح مقهور مني غياهب خاف يصيرله شي

كومتني لازمتني تنكث بملابسي من التراب ..
- هايهيه حنين انتِ ردتي هل الشي
هسه اجي اوكفي هنا راح انطي خبر لخاله راجعين للبيت ولو ابويه هسه تشتغل رزايله لان ممنوعه الطلعه وحدنه بس وضعج مو مال ابقيج هنا
دخلت انطت خبر لخالتي جوهره ورجعتلي سندتني رجعنه للبيت نمشي هم مو بعيدين احنه كلنه بمنطقه وحدة الفرق شوارع بس وصلنا للبيت صعدت لغرفتي محتاجه ابقى وحدي ..
-غياهب: اجه ابويه ومثل ماتوقعت رزلني لان رجعنه وحدنه مارديت عليه ضل يحجي وراح  دخلت للحمام توضيت وصعدت اصلي بغرفتي مديت سجادتي يكلك اذا ضاكت بيك الجأ لربك وحده السميع العليم بكل شيء
صليت ركعتين لوجه الله وسبحة تسبيحة الزهراء وكفت تمددت بفراشي حطيت ايدي على گلبي متعوده من الصغر هل الشي علمناه بابا نقرأ أية الكرسي قبل النوم كلش زينه تريح النفس وتخفف الخنكه مجربه ✅
اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهم وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ ... صدق الله العلي العظيم

غفيت مرتاحه ما ادري شكد نمت كعدت اشوف حنين ماشفتها من رجعنه دخلت عليها شفتها نايمه نزلت للمطبخ جوعانه شفت اكو اكل بس اتعاجزت اسوي شي طلعت للحديقة حديقتنا موكلش جبيرة يعني زينه يكدر الواحد يتمشى بيها الهواء حلو خصوصاً الجو بعد الـ 12 يصير حلو صافنه وكمزت من مكاني من شفت شي انشمر كدامي باوعت بعيوني على المكان هدوء صوت الكلاب بالشارع مسموع تقربت للي انشمر ماعرف شنو دنكت جانت ورقه وملفوفه بحجارة فتحتها عكدت حاجبي من المكتوب ..
جان مكتوب بورقة بيضه ..
- أولريش المُلتقى السبت

طلعت جهازي من جيبي باوعت للتاريخ اليوم خمس يعني بعد يومين بس شلون هذه المجهول راح يفقدني عقلي جنت مرتاحه منه بالفترة الي مرت رجعت والورقه بايدي دفنت راسي الي راح ينفجر من الافكار كمزت من فراشي من ذكرت موضوع نيروز معقوله المجهول اله علاقه بالولد الي اسمه عمر اي ماكو غيرها بس احنا شنو موضوعنا بهل الانتقام ..

مرت يومين هادئات ويكلك مابعد الهدوء عاصفه حنين تقريباً بدت تكعد وتاكل ويانه بس بعدها تعبانه اليوم السبت كلشي طبيعي ماكو اي شي احد الان اندك جرس البيت طلع بابا ماعرفت منو اجانه اجت حنين ..
- منو اجانه
- الضابط ارسلان
- ايععع شو هذه كثرت جياته النه ممرتاحتله
هزت بأكتافها بمعنى ما ادري طلعت اريد ادخل للصاله ثانيه لو ماحديثهم يوقفني ويصعقني الخبر الي سمعته ..

- اتفضل ابني اسمعك
-الاعرج: يشرفني اطلب ايد بنتك للزواج ..

للحكايا بقايا ...»

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة الرابع عشر
88.9K 5.3K 1.8K

بواسطة hawraalsaidi
وتيرة_ الاعرج
بقلم : حوراء السعيدي
2
حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

3
بقيت ثابته بمكاني ماتحركت اسمع الباقي حديثهم الي دار بينهم وطلبه المفاجئ والغريب بالنسبه الي رد عليه ابويه بنبره استغراب ..
-سلطان: اي بنت منهم
8
صار هدوء صوتهم راح وانه مسامعي بكل تركيز وياهم بالاخير نطق ..
-الاعرج: غياهب
18
بعد ماسمعت هل الشي صعدت اهرول لغرفتي مصدومه من حركته هاي بقيت افتر بالغرفه يطلبني للزواج ليش انه بالضبط وهُوَ شوكت تعرفنه احنه ماصارلنه اشهر وين يريد يوصل هل الشخص ..
8
مرت ساعات وانه بغرفتي مانزلت بعد احس كلشي مامضبوط كلشي ناقص طلعت من افكاري من انفتح الباب ..
-حنين: وين اختفيتي
6
-غياهب: هنا
كعدت ساكته وهاي هم سالفتها سالفه اجه ابالي اسئلها هل المصخم راح لو بعده ..
9
- اكلج حنين
رفعت راسها بعد ماجانت مخليه ايدها جوه خدها وصافنه ..
- هـا
5
- هذه راح لو بعده
- منو
6
- شبيج صخمان ارسلان
18
- اي راح
- وبابا وين
- موجود جوة ليش تسئلين
- هيج
5
- احسج متوتره ولونج مخطوف بيج شي
7
- لا شبيه مابيه شي متوهمه
9
- لا والله مامتوهمه شوفي وجهج بالمرايه
وكفت كدام المرايه اباوع الوجهي مبين عليه الاستغراب ومتغيره كل ملامحي بس مومال اصفر حسيتها بالغت درت الها ..
4
- تعاي ننزل جوه
نزلنه نمشي على الدرج سئلتها ..
- شلون صرتي
- احسن
- هم رجع حجه وياج
- لا
هزيت براسي متفهمه الوضع جان ابويه كاعد رفع راسه شافنه ابتسم بوجهنا رديتله الابتسامه ..
-سلطان: وانه اكول بناتي وين مختفيات عايفات ابوهن
7
كعدت بصفه حنين حضنته ..
-غياهب: جان عندك خطار فصعدنه فوك
- اي ارسلان جان هنا
ماعلقت على شي كعدت ولازمه گلبي ابوي يفتح الموضوع ..
-حنين: بابا
-سلطان: نضر عيني
7
- احبك انه .. ارسلان ليش اجه
8
كرص خدها بخفه وعدل كعدته ..
- ماكو شي علمود شغله
10
جان يحجي وانظاره عليه بنفس للحضه دك جهازي رقم ماعرفه فصلته رجعت بالي يم اهلي بس رجع يكرر الاتصال اخذته وطلعت للحديقه اجاوب اشوف منو هذه الي خبصني خبص وماينطي فنتك ..
6
-غياهب: الو
ماكو صوت ردت اسده لان مليت من هل الاتصالات المجهوله الي صارلها فترة بس انصدمت وانه اسمع صوته ..
-الاعرج: شلونج حضرة المحامية
16
عرفته من صوته ابتعدت الاخر الحديقة علمود
ما انسمع ..
- انتَ
- نعم انه
- منيلك رقمي
1
- مو صعبه على الاعرج
6
- يابطيخ شرايد انتَ
15
- شهيتيني بطيخ تصدكين
27
- لا والله ما اصدك وخصوصاً انتَ
- قاسيه
8
- دحجي فضها شرايد
3
- ليش مستعجله على رزقج
1
سكتت كلامه كله ما ارتاحله شعور بداخلي تجاه هل الشخص مامرتاح اكو شي وراء من أول ماشفته ..
6
- رزق شنو
- نفوت بالغميج لولا
16
زفرت نفس بقلة صبر ..
- احجي
- وافقي على عرض الزواج
12
اتصنعت الغباء مافاهمه شي ..
- يازواج بيبي
- بيبي شفتج واكفه لاتصيرين ام درب
77
- بيبي متوهم
- لا عليج الله
9
طكها بضحكه هزيت بايدي مو طبيعي هل الشخص وين شافني أريد افهم ..
1
- ماعلينا سواء شفتني اولا زواج شنو هذه
- جايج من الباب
11
- اكلك شوف انه سوالف الحجي بالالغاز ما احبها احجي طك بطك
6
- رجال جاي يخطبج من اهلج على سنة الله ورسوله بيها شي ياحبي
14
- حبك برص كون
6
سكت وتغيرت نبرة صوته واختلف كلشي بعد ماجان كلامه ماينفهم من جديته او مزحه گال ..
-الاعرج: غياهب مجبوره توافقين بالزواج
19
-غياهب: هه وليش مجبورة شبيك بابا شارب شي انتَ
6
- براحتج بس اتذكري كلامي انتِ بذاتج راح تجين وموافقه
8
سده بوجهي بحقاره ردت ارجع وذكرت ذاك الشي المجهول حدد يوم السبت بلحضه صابني شك المجهول اله علاقة بالاعرج بس شنو الغاية بالضبط معقوله اكو شي يربطهم او فعلاً هاي صدف ..
18
نيروز اي نيروز لازم اتصل عليها فتحت جهازي اتصلت عليها وين يلا جاوبت ..
2
-نيروز: هلا غياهب
-غياهب: نيروز لازم نحجي
1
- خير شكو وليش هيج صوتج
- تعاي النه
- هسه
- اي
- خلشوف ابويه لو رماد يوصلوني الكم
6
سديته منها هيه الوحيدة الي اكدر اوصل من خلالها للحقيقة رجعت يم اهلي كعدت وبالي مو يمهم
نص ساعه واجت نيروز ردنه نصعد لغرفتي وصاحت حنين ورانه ..

-حنين: هاي وين
-غياهب: عندي موضوع ويا نيروز
- اي اجي وياجن
- لا لا ابقي يم بابا احنه مانطول
- يعنييي اسرار من وراي
3
رد عليها ابويه ..
-سلطان: حنين بابا عوفيهن براحتهن خليج يمي
كعدت بمكانها ضايجه ما اكدر احجي كدامها لازم افهم الموضوع بالاول صعدنه سديت الباب ..
1
-نيروز: شبيج غياهب خوفتيني
غمضت عيوني اتأكد إذا الي راح اسوي صح أولا ردت احجي لو ما يصير الي صار صار صوت اطلاق نار رجف جسمي الصوت كأنما ببيتنا فزت نيروز بخوف مفزوعه
9
- ش شنو هذه الصوت
قبضة على ايدي اسيطر على نفسي رجليه صارت خيوط ترجف نزلت نيروز تركض قبلي وانه من الهبطه امشي بهدوء نزلت على الدرج صارت انظاري على البيت ماكو احد وينهم؟؟؟ حتى اختي ماكو ولا نيروز وين اختفو ..
5
طلعت بره واسمع اصوات الناس والعياط شفت نيروز واكفه كبال باب جيرانه بيت ابو ايمن رحت عليها ..
-غياهب: شكووووو نيروز
ردت ودموعها على خدها ..
-نيروز: ابو ايمن قتل مرته
40
جان خبر بالنسبة النه صدمه لان الي نعرفه همه عائله محبه لبعضها وخصوصاً ابو ايمن رجال كلش راقي وماله علاقة بالرايح ولا بالجاي ..
8
- لعد بابا وين حنين وين
- حنين جوه خطيه بنتهم منتهيه كوه سحبوها
من امها
2
- سترك ياربي من المخفيات
8
دخلت جوه الموقف هزني هز المنظر ولا ممكن يروح من عقلي وانه اشوف ام ايمن مدده بدمها والدم مغركها وبنتها وفاء لازمتها حنين الي ملامحها كلها تدل شكد الموقف هازها ابو ايمن لازم سلاحه وكاعد حاط ايده على راسه وابنه يريد يهجم على ابو ولازمه بابا وناس جيرانه ..
7
دخلت الشرطه اخذو ابوهم ابويه باوعله بأسف على الي سواه اجه وكف يمي ..
-سلطان: اخذي وفاء للبيت مالتنه البنيه راح تموت
-غياهب: اي بابا بس واخوها
- مالج علاقه باخوها اخذي البنيه الولد كوه لازمي بس نعوفه يرتكب جريمه فوك جريمة ابوه
هزيت راسي واشرت لحنين طلعنه وفاء من بيتهم وهيه ما على لسانها غير امي انقتلت دخلنه للبيت دخلتها للحمام ملابس كلها دم كلت لحنين تجيبلها ملابس هيه تجي بعمر نيروز بعدها طالبه ..
3
-وفاء: امي انقتلت امي انقتلت
10
ما ادري شنو الي احجي بهل لحضه البنيه جانت تحت صدمه لزمت ايدها اهديها ..
-غياهب: اهدي وفاء الله يرحمها
ضلت مستمرة تهمس بهل الكلمات گلبي تكطع عليها وعلى حالتها لبستها الملابس طلعنه كعدنه بالصاله شويه ودخل ابويه يدور بعيونه عرفته يدور عليها اجه كعد بصفها يحجي وياها ..
2
-سلطان: عمو تكدرين تنطين افادتج
وكفت معترضه لان وضعها مايسمح لأي شي ..
- بابا صدك تحجي ماتشوف حالتها
- الشرطة طالبتها واخوها متخبل كوه دخلناه لبيت ابو شهاب قفلنه عليه الديوانيه كأنما انكلب وحش بس يريد يلزم ابوه
6
همستله ..
- ماعرفتو ليش قتلها
- لا والله والعالم كامت تحجي من كيفها
13
- يابه فدوه لعينك البنيه بعدها تحت صدمه شوفلك حل مو وكت اخذ اقوالها
هو براسه متفهم الوضع وطلع ونيروز وحنين عيونهن انعمت من البجي على وضعها اتوقع حتى الكلبه حجر يبجي وينقهر على حالها ..
3
مرت 3 ايام الوضع متوتر بيتنه وخايفين على وفاء لان وضعها بدأ يتأزم مايتحسن اجه اخوها بعد ماوعد ابويه يكون هادئ وفعلاً جابه ابويه علمود يحجي ويا اخته لعل يتغير شي بس نفس الحاله ..
1
-حنين: والقران گلبي بعد مايتحمل
-غياهب: بحياتي ماصرت فضوليه تجاه شي بس حالياً الفضول موتني أريد اعرف سبب هل الجريمة ليش عائله بأكملها ادمرت ام راحت لربها زوج راح للسجن ابن مشرد بنت ماتكدر تصنف وضعها
1
- ما ادري غياهب ما ادري حتى انه من اصفن مالكه جواب ام ايمن جانت حبابه وماشفنه بيوم منها شي
- البيوت اسرار
4
دخل ابويه ووضعه موتمام التفتت لحنين عيونها بجهازها مادري ويامن تحجي عفت الي بايدي ورحت عليه شفته كاعد وصافن ..
-غياهب: ها يابه شصار
-سلطان: عرفت سبب الجريمه
3
كعدت بصفه وحجيت باهتمام ..
- اي ؟
باوعلي بنظرات وهُوَ يهز براسه بأسف وعدم تصديق ..
- ابو ايمن مريض نفسي وكاشف زوجته عندها علاقة غير شرعيه
7
- شنووووووو
- صوتج يا بابا
- بابا شتحجي انتَ
- والله هذه الي وصلي وحالي من حالج مصدوم كل هل السنين الرجال جارنه وماظهر منه بس الطيب يطلع مريض نفسي
بقيت ساكته والله ياغياهب الظاهر انتَ الله كاتبلج الصدمات بحياتج فركت عيوني ..
2
- زين والبنيه شراح يصير عليها
- انطينه خبر عن وضعها وسمحو بين ماتتحسن
يأخذون اقوالها
- سوده عليه تدمرو وخسرو امهم وابوهم
- الهم الله الهم الله غياهب
1
- شعجب عمامهم خوالهم محد اجه مامعقوله مكطوعين من شجرة
- عمامهم تعارك وياهم ايمن وخوال ماعندهم حسب كلام ايمن يكول بس جده وحبوبته متوفين
1
كلش قهرني الي صار مرات خطأ شخص واحد يأدي لدمار الأكثر من شخص او ممكن لدمار عائله بأكملها وهذه الي صار بعائلة بيت ابو ايمن ..

3
عفت ابويه وصعدت للبنيه اشوفها عفتها نايمه فتحت باب الغرفة شفتها على نفس نومتها تقربت الها كعدت بصفها ..
- وفاء حبيبتي يلا كعدي كافي نوم
ماكو اي رد الها ايديها باردات نخمش گلبي من شفت شفايفها بيض وجسمها بارد بلعت ريكي بخوف
6
ضربت بخفه على خدها ..
- وفاء وفاء اكعدي .. حطيت ايدي على انفها ماكو
اي نفس
1
ماكو اي ردت فعل منها صحت بصوت حسيت بلعومي انشحط من رهبة الموقف ..
2
- باااااابا
ماطول ابويه وهُوَ داخل عليه ..
- شكووو بابا شبيج
- ب بابا وفاء م مادري شبيها ماجاي تكعد فدوه تعال شوفها
دخلت حنين مفزوعه لزمتني دموعي نزلت عليها الي شافته مو شي قليل مسحت دموعي وانه اسئل ..
- ها بابا فدوه شبيها ليش ماجاي تكعد
وكف ابويه ووضعه كله تغير ..
- البنيه ميته
51
ما ادري شنو الي صارلي وشنو سبب تأثيري بهل البنيه رحت عليه ..
1
- لا لا شنو ماتت انه عفتها مابيها شي والله شوف حتى مشطت شعرها قبل لا اتنام
صااح على حنين ..
- حنين لزمييي اختج
دفعتها من يمي ورحت اتوسل بيه ..
-غياهب: بغلاتنا عندك خلي ناخذها للمستشفى يمكن هناك يسولها شي فدوه بابا
4
-سلطان: شيسولها بابا البنيه راحت لرحمة الله
- كلتلككككك خلييييي ناخذهااا ليشششش ماجاييي تفهمنيييي عفتهااا مابيها شييي
بدون مايرد عليه شالها ونزل بيها وانه اهرول وراء صعدنه بالسيارة حطيت راسها على رجليه دموعي ماكدرت اسيطر عليهن انه مو من نوع الي اتعلق ابشر هيج ليش هل البنيه كلها بس كم يوم هيج أثرت بيه بعدها صغيرة ماشافت شي من الدنيا راحت بسبب غلط غيرها وصلنا للمستشفى نزل ابويه شايلها نزلت وراء حطوها بالسديه ودخلوها للطوارئ ..
1
بقينه واكفين بره ننتظر حضني ابويه لصدره يهدي بيه ..
- راح تموتين على كيفج ويا روحج
- انه والله عفتها مابيها شي
- الاعمار بيد الله
- لا ماميته يجوز ضغطها
صرت اقنع نفسي بهل الافكار بس ماكو نهرب
من المكتوب طلع الدكتور وهُوَ ينطينا الخبر ..
-الدكتورة: للأسف البنيه من ساعتين متوفيه اثر سكته قلبيه الباقيه بحياتكم
31
رمشت بعيوني والكلام انبلع مني صارت دموعي تشرح كلشي وانضاف هل اليوم الى الايام السود الي مرت بحياتي ومستحيل انساها كل موقف ترك بصمه بحياتي ماانساها طول عمري ..
انطينه خبر الأخوها الي ماصارله فترة من فقد امه مهما كانت فعلتها يبقى فقدان الأم شي صعب حاولت ارجع لطبيعتي هل الموقف اهوايه اخذ مني بس هيهات غياهب ترتاح بالحياة ..
4
نايمه فزيت على صوت بالشباك رفعت جهازي الساعة بـ 2:00 باليل رجعت نمت اتوقع بزازين رجع نفس الصوت نزلت امشي البيت مطفيه اضويته الكل نايم لعد شهل الصوت فتحت الباب الي يطل على الحديقة هسه غير اخاف غير انجرع وارجع لا وين ضليت امشي شهكت من انسحبت من ايدي والطشت بالحايط توسعت عيوني ..
4
- شتصخم هنا شلون دخلت
-الاعرج: الحياطين شنو فائدتها
12
- ابو الحياطين شرايد بنصاص لليالي
6
- اشوفج
4
- اكو واحد هسه يجي اشو تصرفاتك ما ادري شلونها وحضرتك اخذ ميانه بكلشي
3
- فوك ما اصير رومنسي واطفرلج من الحياطين
51
- ايعععع
1
- باع الايععع مالتها
10
ملصت روحي منه كوه دفعته عني ..
- للمره الالف اسئل شرايد اهوايه بديت تتجاوز حدودك
- وافقي بالزواج
- لوتموت
1
- ما اموت وراح توافقين
3
- اي اي اوافق من حبي وعشقي الك غير دطير بابا
رجع دفعني لازكني بالحايط ومقيد حركتي شعري صار على وجهي كد ما اتلاوى وياه علمود اخلص منه رفع ايده يرتب بشعري ..
2
- هيوووو ايدك
- هيووو بعينج راح يجيج طراك اسطرج بيه
11
- الحكوني متت من الخوف دطير
21
- اهواي تصرفين دطير شبيج متوحشه
1
- زواج ما اتزوجك لو تطلع براسك نخله
- اممم
- شكو تباع هيج
- عيونج حلوة
- هه هه وعبالك هسه راح اتأثر لو اخجل واتسرسح مثل البنات
40
- ولج كافي اثبتي خلي احجي وياج وينج وين البنات انتِ
2
- ما اريدد
- خرب بعنادج
2
- خرب بوجهك يالمجرم ابو الحيطان تطفر على الناس نص لليالي
2
ابتعد عني ساكت صارت عيوني على ايده لازم ورقة رجع وكف كبالي بدون ما يتقرب الي رفع الورقة بوجهي ..
- تعرفين شنو هاي
1
رفعت حاجبي اتنفس سريع ..
- شنوو
حطها بايدي وكل حركاته بهدوء ..
- شنو هاي
- افتحيها واقريها بنفسج حضرة المحامية
4
رجعت شعري وره اذني فتحتها تصنمت من المكتوب لهل الدرجه البشر حقير واستغلالي ..

20
**
-غرام: رجعنه من المستشفى وكلشي بجسمي يون عليه شعور الخجل والاحراج والخذلان والقهر محاوطني من كل الجهات لازمني من ايدي يمشي بيه ..
2
-كُميل: على كيفج
انفتح الباب خاله مليكه وانسام اتلكنه واتوقعت راح تكون وجوهم مختلفه بعد الي صار لان اتبهذلو بسببي بس صار العكس من شفتهم شلون مقهورين على وضعي وماقابلين بالصار ..

2
-مليكه: الحمدلله على سلامتج يمه
-غرام: الله يسلمج خاله
من الضرب الي انضربته كوه امشي كل ذره بجسمي تأذيني وتعيقني اكثر بالمشي دخلنه خطوات ووكفت ماكدر حسيت بايد صارت على خصري بلعت ريك بتوتر التفتت اله همست بصوت ناصي ..
6
- شجاي تسوي
- اساعدج لا تخافين
هزيت براسي وصار كل ثكلي عليه لحد ماوصلنه لغرفتنا بذيج الفترة جابولها اثاث جديد انه كل هل الاشياء ماتهمني مصيبتي مصيبه تمددت بفراشي جانت دنيا ليل انسام وام كُميل كالن يطلعن علمود ارتاح نزلت دموعي وانه اتذكر كلام عمامي وشكد حاقدين وبنظرهم انه انسانه عار عليهم ..
5
حسيت بملمس ايد على ايدي فتحت عيوني ..
- شكد تبجين رحمه لدينج
2
- شسوي لعد بس بهل الحاله اكدر اعبر عن وجعي
1
- عيونج راح تنعمي
- عساهن
5
بس حجيت هيج حط ايده على حلكي شهكت من ردت فعله وهُوَ يباوعلي بغيض ..
- لا تحجين مره ثانيه هيج خوش
7
من خوفي هزيت براسي كام وكف راد يطلع گتله ..
-غرام: شراح يصير بعمامي
-كُميل: راح يتحاسبون قانوناً وعشائرياً لان همه الي اعتدو علينه والعايلين
7
- ماراح يعوفونه بحالنه
- ماخايف منهم
1
- كُميل
- عيناي خالي
3
- ءء انه اريد
- شتريد محتاجه شي
- لا بس انه اريد نتطلك
14
بهتت ملامح وجهه من كلامي رد ..
- ليش غرام قصرت بشي وياج
نزلت دموعي ..
- لا ماقصرت بشي لا انتَ ولا اهلك وانه لو شكل اسوي مارد جميلكم هذه بس ..
- بس شنو
- بس انه ما اريد احد يتأذه بسببي
6
- ومنو يتاذه تره انه وعمير مابينه شي هاي مجرد جروح عاديه لاتخافين
- اليوم عاديه باجر الله يعلم شيسون عمامي يمشون بالعشاير مستعدين حتى قتل يقتلون
6
- نامي ارتاحي وشيلي هل الموضوع من بالج طلاك ما اطلك
13
عافني وطلع ليش مايفهم خايفه عليه صرت اذكر كل ذكرياتي ويا امي ابجي بصوت وكل شهكه اطلع أقوى من القبلها نمت وراسي يريد ينفجر على كثر مابجيت ..
2
لثاني يوم كعدت على صوت حركة بالغرفة فتحت عيوني شفته واكف يبدل بسرعه غمضت عيوني لان بعده ممدكم القميص استحيت اجاني صوته ..
- عيناي عليمن المستحى زوجج صرت
18
بقيت مغمضه عيوني وارد عليه ..
- اي واذا
- اخ منج يالمتدينه .. اكلج صدك انتِ كتيلي مرحله اخيرة قسم شنو
1
- مدرسة اسلاميه
29
- العب
7
- هـا شكو
- وانه اكول هل الديانه منيلج يخرب بيتي طلعت مدرسة اسلاميه
22
- هسه شكو تستهزء
- لا ما استهزء ليش همه كل المدرسات هيج مثلج
7
- شلون يعني
- هيج كملت فتحي عيونج
صدك فتحت عيوني جان مكمل اندك الباب راح يفتحه جانت انسام دخلت وبايدها صينيه الريوك باوعتلي بابتسامة حلوة ولطيفه مثلها ..
-انسام: شلون صرتي غرام گلبي
7
-غرام: احسن
- والله ردنه نجيج للمستشفى بس ماقبلو
- عادي ماكو داعي لجيتكم تسلمين
-كُميل: كملتي
4
باوعتله تضحك مبين متعوده على اسلوبه يمكن
لو انه جان بجيت ..
5
-انسام: كملنه خالي طالعين على كيفك
- يلا بعد خالج بلا مطرود
2
- هُوَ انتَ شبقيت جرحت احاسيسي
6
- نهجم بيتج ام الاحاسيس وانتِ بصغرج شابعه نعالات منه
5
حطيت ايدي على حلكي اخفي ضحكتي وهيه فاطسه ضحك ويا بالسوالف وهُوَ يذب الحجايه مايضحك عنده عادي عافتنا وطلعت اجه جاب الصينيه كعدنه نتريك سوه ..
1
- تطلعين بره يمهم لاتبقين وحدج
- اي
- خوش چا تعاي
مد ايده راد يكومني ماقبلت استحي منه خصوصاً من اتذكر شلون لزمني من خصري ..
- لا انه اكوم اكدر
- وينج تكدرين غير صاير اكس باير انتِ
14
خزرته وهُوَ يضحك ..
- شنو نوب هاي اكس باير
- منتهيه صلاحيتج هههههههههاي
5
ابتسمت على ضحكته شلون يضحكها هُوَ صدك صايره اكسباير حتى من امشي اعرج برجلي طلعنه كلهم كاعدين بس ارسلان ماموجود ..
3
كعدت على القنفه لان ماكدر اكعد بالكاع من رجلي الصمت محتلني حتى حزن على امي ماجاي اكدر احزن فزيت من صفنتي على خاله مليكه ..
-مليكه: الحزن عمره مارجع الميت واليفكد عزيز تبقى جمرت فكده بالگلب يايمه
17
-غرام: ماجاي اكدر اتقبل امي ماتت لليوم احسها بعدها عايشه
7
- راح تضل عايشه بگلبج وهيه بمكان احسن
اباوعلهم كلهم ساكتين رفعت راسها انسام عيونها الطمع بالدموع ..
-انسام: لا ام تتعوض ولا اب لو تملكين الدنيا بأكملها اخذي وقتج من الحزن بس مو دائما الحياة تستمر ونعيشها بحلوها ومرها
10
عمر ساكت مدنك عيونه باصابيع ايده يحركهن بهدوء ماعلق على شي صارن يواسني ساعه ابجي ساعه اسكت حتى دموعي نشفت والي يقهرني امي ميته من زمان مو هسه وانه ماعندي خبر ..
1
لليل كلش دخل ارسلان بس وجهه مايتفسر من الغضب دخل لغرفته بدون حتى مايسلم وركع الباب بقوه من قوته كمزت محد حجه كأنما متعودين ..
صلو وصبو الاكل جاب كُميل الصينيه وكعد كبالي يسويلي لفات استحيت من شفت عمر يباوعلنه ..

11
-غرام: انه اكل مابيه شي
-كُميل: ميخالف انه اوكلج
- لا انه اكل والله اكدر شبيك مومعوقه تره
- هسه شكو تلحين فوك ما اوكلج
4
صرت احاول وياه ماقبل اله هُوَ يوكلني باثناء ماجاي يوكلني والعائله تسولف صار صوت قوي من احد الغرف الموجودة الي مره دخللها ارسلان ..
7
- شنو هذه الصوت
- هيج لاتهتمين كملي اكل
- بس الصوت قوي
- غرام كتلج كملي اكل لا تلحين بالموضوع
1
- بس ...
1
بعدني مامكمله وماتوقعت ردت فعله تكون هيج قوية عاط بيه كدامهم خلاني اتفشل ..
- كتلججج لا تلحيننن
35
دنكت ساكته من شفت عيونهم صارت علينه بلعت للكمه كوه من الموقف حسيت باحراج وفشله طلع من البيت كله والي يخليني اخاف واستغرب اي تصرف يطلع من الي هنا بالبيت محد يحجي او يسئل خليت انسام تدخلني لغرفتنا ..
8
عبرت الساعة الـ 12 وهُوَ ماراجع ليش هيج انغث
من كلامي انه ماجان قصدي شي شنو الي بالغرفة وهيج ممنوع احد يدخللها او يسئل للفجر انه كاعدة ماخذت عيني نوم حسيت بحركة سويت نفسي نايمه وانما امثل النوم انفتح الباب واسمع بحركته بالغرفه ..
1
حسيت بيه وهُوَ كاعد بصفي همس ..
- نايمه
5
مارديت عليه رجع گال ..
- ادري بيج كاعدة
فتحت عيوني ما استمريت بالتمثيل ابتسم بخفه ..
- شتريد
- مو بقصدي اعلي صوتي عليج كدام اهلي
6
- بعد عليته شيفيد وخليتني غاطه بهدومي
من الفشله
2
- بس انتِ لحيتي وكتلج اتركي الموضوع
1
-غرام: شنو بيها الغرفة
-كُميل: استغفرلله چا احنه عليمن تزاعلنه
12
- لان صيحت عليه
- وانه ليش صيحت عليج
- لان ضليت اسئلك
- يعني تعترفين
هزيت براسي ضايجه ..
- نتصالح
4
- لا
1
- اثنينه غلطانين
- لا بس انتَ
1
- يااصبرررر ايووووب
3
- شوف رجعت صيحت عليه
- غرام
- هـا
- الشغلات الي ماتخصج لاتدخلين بيها لان مرات
من ندخل بشي مايخصنه ممكن نجيب الاذيه النه
6
- انتم ليش الغموض محتلكم
- كل انسان عنده جانب غموض بحياته
2
- انه ماحب هل الشي احب الانسان الواضح وبديت اخاف
طبطت على ايدي بهدوء ..
- لا تخافين وانه يمج
2
سكتت ماجاوبته صفنت بالكنتور الي كدامي فزيت من گال ..
- هسه شنو نبقى هيج
- شنو
- نتصالح لو نبقى زعلانين
- مازعلانه
- جـا صارلج ساعه تتكلبين عليه وتبيعين ثكل عليه اخ من عيارة النسوان

- اكلك كوم نام اتأخر الوقت
- اي والله تعبان يلا تدني شوي خلي انام
- شنوو شنوو وين اتنام
5
ضل يتلفت بالغرفه رجع باوعلي ..
- انام عند الجيران مثلاً لبارحه نمت يم عمير

- اي بس يعني شسمه هذه ءء انه اكول الكاع نومتها هم مريحه تكدر تنام عليها

- انتِ منيلج هل الكلاوات خالي

- بس مايصير ننام بفراش واحد
- ليش
درت وجهي منحرجه ومتفشله ..
- مو شسمه احنه زواجنه مجرد فترة محدده ومااريد يصير شي غلط

اختفى صوته لثواني رجع ..
- انه ما اريد شي منج غرام
عافني وكام طلع من الكنتور فراش فرشه بالكاع مارجع ولا باوع بوجهي يمكن كلامي جان مو وكته بس الافضل يعرف هل الشي بس اذا زواجنه فترة انه شراح اسوي بعد ماتخلص هل الفترة راح اصير انسانه قوية لو ابقى نفس شخصيتي الضعيفه والناس تهمش بيه همست ..

- زعلت مني
طفه الضوء تمدد وحط ايده على عيونه ..
- لا نامي
حطيت راسي على المخده والف فكره ابالي هل الرجال راح يبقى مساندني ومايعوفني لو يتغير الفكرة الي جانت مزروعه بعقلي هُوَ مامجبور بيه ولا مجبور بأي شي يسوي جنت اكول كلشي جاي يسوي فضل منه عليه حماني وسترني وكعدني ببيته والاكبر خلاني باسمه زوجه اله ..
ثاني يوم العصر كاعدين دخل ارسلان كعد دخل وراء عمر ينافخ من العصبيه كصته مضروبه لطمت خاله مليكه على صدرها ..
-مليكه: شمالك ولك ليش كصتك هيج
-عمر: مابيه شي
-مليكه: تحجون لا اكطع النعوله على راسكم

-كُميل: شلون مابيك شي وكصتك معنجره

هُوَ وارسلان يتشاحنون بالمخازر وكفت انسام الي مبينه ضايجه وحتى ماهتمت للوضع كالت زوجها اجه راح ترجع لبيتها ودعتنه ودنكت على ارسلان ما ادري شهمست بس الي كدرت اسمعه منها وهيه تگله لاتستعجل بتصرفاتك وطلعت طلع كُميل يوصلها شوي ورجع وكف بالباب أشر الارسلان ولـ عمر
-كُميل: كومو كدامي الاستهتار زاد اهوايه زاد

حجه هل الكلمات بنبرة عصبيه وكفو بدون مايحجون ودخلو للديوانيه دخل وراهم سد الباب الله يعلم شراح يصير كلها صايره اعصاب بس تطخهم تكب نارهم صار هدوء بس ماطول واحنه نسمع صوت الاعرج الي رج البيت وهُوَ يصيح ..

-الاعرج: اتزوجها وغصباً عليكم سواء قبلتو اولا

منو هااي الي صوته راح علمودها ؟
بدت اصواتهم تعلى ماتنصى وكلشي مافاهمه انضمت الهم خاله مليكه بقيت كاعدة وحدي ..

**
-نيروز: ماما وين رماد
-حياة: بغرفته
لازم افهم وضعه من يوم حادث عمي سلطان رماد تغير واكثر شي عازل نفسه واهلي كل الي ابالهم يقرأ بس انه ادري بيه حتى دراسته هملها فتحت الباب شفته كاعد وصافن دخلت سديت الباب وراي ..

وكفت كباله كتفت ايديه ساكته..
-رماد: شبيج
- انه لو انتَ
- شبيه
- والله ما ادري هُوَ انه اسئل الي بيك شنو وضعك
- تعبان من الدراسة شبيج صايره بس تسئلين
همست بغضب لا اهلي يسمعونه وننفضح ..
- رمادد لا تضحك عليه انتَ بيك شي من يوم حادث عمي سلطان تغيرت
- اطلعي بره

- ما اطلع وتتادب وتكعد تحجي كلشي لا وحق الله اروح احجي كلشي الأهلي وهمه يتصرفون وياك
- تهددين
- بكيفج شتعتبره اعتبره

كان وكف راد يطلع لزمته من ايده ..
- ماكو شي يبقى مضموم
- ما ضام شي
- احساسي يكلي شي ثاني
- زمُرد

باوعتله بأستغراب لان هُوَ مو من النوع الي يتقرب الها او يسولف عنها ..
- شبيها
فرك ايديه بتوتر وخوف لزمته من ايديه اطمنه ..
- شبيها حبيبي سوتلك شي عمتي احجي لاتخاف
- زمُرد هيه الي ..
- هيه شنوو احجي
- هيه الي رمت عمي سلطان بذاك اليوم

توسعت عيوني انشل لساني عن الرد ..
-رماد: ماجاي اجذب والله شفتها بعيوني
-نيروز: تعرف مدى خطورة كلامك
- اي اعرف
حضنت اخوي احتوي لان بعده بعمر هيج اشياء تكون مؤثره عليه ..
- لا تخاف انه يمك
- هددتني

باوعت عليه مصدومه من كلشي جاي يحجي ..
- بشنو هددتك
طلع جهازه دخل على الرسائل عيوني تراقب ايده الي ترجف مد الجهاز الي اخذته منه اقرأ بالرسائل شلون تهدد بيه بحقارة باخر رساله كاتبتله اذا يطلع حرف منك اخلي امك ماتندل دربها ..

لازم احجي كلشي بس لمنو الابويه ؟ لا ابويه ممكن يرتكب جريمه بيها أتذكر من احنه صغار وچوت غياهب بركبتها شلون لزمها كطعها اله شوي جان ماتت بايده ..

باوعت الاخوي الي ينفض خوف ..
- لاتخاف كتلك محد يكدر يتقربلك ولا يتقرب لماما
- ماخايف على نفسي خايف على امي السبب الي عاقني احجي كلشي
- راح احلها بس لاتبين شي وارجع مارس حياتك طبيعي
عفته وطلعت لغرفتي افكر لمنو احجي احجي لعمي جابر لو عمي سلطان بس الافضل عمي سلطان احجيله كلشي وهُوَ يتصرف بدلت على السريع وحرت شحجي الامي علمود تخليني اروح ..

- ماما اريد اروح يم البنات
- شعندج رايحه عندنه شغل بالبيت ماما بعدين
- لا حبابه يوم هسه اروح ما اطول
- اخذي رماد وياج
صفنت خوش فكرة هم يحجيله كلشي بنفسه ..

- تمام
رحت اله كتله بكلشي وافق بدون اي اعتراض اخويه خوفه الوحيد جان امي خاف زمُرد تسويلها شي ومحد يستبعدها لان هل الانسانه تسوي كلشي طلعنه الهم دكينه الباب طلع عمي رحب بينه بابتسامه ..

-سلطان: هاي منو جاينه هلا بيكم
-نيروز: هلا بيك عمو شلونك
- بخير والله عايشين انتم شلونكم شعجب رماد وياج اليوم
- اي عمو عندنه موضوع وياك
باوعلنه بنضرات قلق ..
- خيركم تعالو دخلو جوه
دخلنه جوه كعدنه بالصاله البنات ماكو بعد احسن لان غياهب تتخبل اذا تسمع الي راح نحجي ..
-سلطان: كولو بابا بيكم شي صاير شي
باوعت لرماد متوتر لزمت ايده اطمنه ..
- عمو رماد يريد يحجيلك شي
- اتفضل ابني
شجعت رماد يحجي كلشي بدون اي نقص التفتت اله ..
- رماد شاف الي حاول يقتلك
صفن بوجهنا اثنينه كأنما يدرس بملامحنا ..
- منو ؟
-رماد: عمتي زمُرد
رد بأستغراب ..
-سلطان: زمُرد ؟؟؟؟؟

-نيروز: اي عمو والله هسه عرفت وهاي جيتي الك ماكدرت احجي الابويه لان تعرف بابويه
ضل ساكت بدون مايجاوبنه كأنما ممستوعب الي حجيناه ..

- انتم متاكدين من كلامكم اولادي
- اي اي متاكدين شنو مصلحتنا نتهما هيج اتهام
كام وكف يمشي اباوعله وكف يم رف المكتبة طلع منها دفتر اجه اتقدم باتجاهنا حطه كدام رماد ..
- هذه الدفتر شايفه قبل
- لا ماشايفه عمي شنو هذه
هو براسه وشاله حطه على صفحه ..
- بيوم ماشفت زمُرد شفت شي ثاني لو بس
من حاولت قتلي
- ماشفت شي بس الي حجيته الكم
- الي حجيتو هسه هنا .. هنا يندفن مايطلع لبشر

اتفاجئت من كلامه ليش هيج حجه وشنو الغاية
من اخفاء هيج شي ..
-نيروز: بس ليش ماراح تشتكي عليها هاي جريمه
-سلطان: تاخذ حسابها بس اكو شي لازم اتاكد منه بالاول الي عليك رماد توهمها انتَ محاجي شي ولا احد يعرف بشي
ضل تفكيري بتصرفه شنو السبب الي خلاه يخطي هيج خطوة ؟ ويضم هيج موضوع ..


**
كل تفكيري هل الايام بيه مارجع حجه ويايه ولا حتى اتصل رغم كالي مايتغير شي لزمت جهازي متردده اتصل خاف مايريد يحجي ويايه يمكن محتاج وقت يتقبل الموضوع تنهدت بقهر ..
-غياهب: نطلع لسوك
-حنين: لا مالي خلك
- خلي نطلع نغير جو كافي حابسه روحج بالبيت ماراح تغيرين شي
- يمكن بعد مايريد يحجي وياج
- شي راجعله محد يكدر يجبره على شي
سكتت ماجاوبتها مقهوره بداخلي بس مابيدي شي قنعتني غياهب نطلع كالت ابويه يوصلنه لان مادري عليمن الطلعه وحدنه ممنوعه كلش لعبت نفسي من حياتنا هل الفترة كلشي تغير عن قبل ..
بدلت بشرتي تعبانه حطيت أساس خفيف اخفي التعب الي صاير بيها رحت لغياهب شفتها واكفه تجهز بنفسها وكالعاده لبسها باللون الاسود ولازم يكون ردن طويله لان ماتحب تظهر الاثار الي موجودة بيها ضحكت على تصرفها شالت جنطة المكياج باوعت عليها ورجعتها لمكانها ماحطت شي ..

- ليش ماتحطين
- شو احسه ثكيل على البشره المكياج ما ادري شلون تحطنه

- خفيف حطي ماتحسين عليه
- لا ماريده هيج بشرتي احلا شريد من الله بعد سمراء وعيون سوداء

- الله على ثقه
ضحكنا اثنينه نزلنه واكف ابويه منتظرنه غياهب منطيته خبر يمكن لان مبدل اندك الباب رحت افتحه اتفاجئت بجيته من زمان ماجايينه ..
-درغام: الله يساعدهم

گلبي كام يركص فرح بشوفته شكد مشتاقتله ابتسمت بفرح ..
-حنين: دلغام

ابتسم بوجهي بس گلبي وجعني من حسيت بابتسامته مجامله او ممكن مو مجامله بس ماجانت مثل حماس قبل دخل جوه سلم على ابويه ..
-درغام: شلونج أولريش
ابتسمت غياهب الواضح هيه هم مشتاقتله
-غياهب: مشتاقين
- احنه هم مشتاقين .. مبدلين وين
-سلطان: البنات يريدن يطلعن ومااكدر اخليهن وحدهن
- ها چا انه اخذهن ماعندي شي ومن زمان ماشايفهن مشتاقلهن هم اكضي وقت وياهن

ما اعترض ابويه بسرعه وافق طلعنه وياه كعدت غياهب كدام وانه وراء راد يشغل السيارة ماتشتغل ..
-حنين: شنو هاي شكد فكر انه بس صعدت بسيارتك صارت ماتشتغل
خجلني برده الي وهُوَ يرد بهدوء وابتسامه تعبانه ..
-درغام: انتِ الخير كله دائما

ضحكت غياهب رافعه حاجبها دارت بوجها للجامه نوب انه صايره اخجل منه شنو هل التغيرات صرت احس بكل كلمة يحجيها يمكن لان اعرف بمشاعره
ما ادري ..

رفع عيونه عليه من الجامه يباوعلي بلعت العافيه
من نضراته ..
-حنين: ء شغللنه شي بين مانوصل ملل شو
-درغام: اي تدللين ست حنين

فزت غياهب ..
-غياهب: لا تشغلون طربكه رحمه لموتاكم

-درغام: مو طربكه شي بيه احساس
- هه هه مايكعد راحه ابو الاحساس
- انجبي وفضلي علينه بسكوتج بلا

سكتت غياهب تضحك هيج علاقتهم حلوة دائما تكول رب العالمين مارزقني بـ اخ عوضني بدرغام شغل اغنيه كلماتها جذبتني اندمجت بيها ..
الاغنيه اختفت كلها بعد ماجنه مندمجين
بيها باوعنه لغياهب طفتها ..
-درغام: ولج ليش
-غياهب: احب الهدوء ثولتني وهل الاغنيه تنعس

هز بايده غماها لطش بكصتها وصلنا نزلنه ونزل ويانه بامر من ابويه مايعوفنه جاي انزل ومن الثول مالتي والفهاوه سديت الباب على ايدي روحي فرفحت نزلت دموعي وانه لازمه ايدي ..

-درغام: ادري شبيج اكو واحد يسد الباب على ايده
اجت غياهب وكفت بصفي ..
-غياهب: اكلك درغام لو تسكت مو احسن ماتشوفها مفرفحه
الالم يموتت وصل للعظم حسيته مشى بكل ايدي عافنا ما ادري وين راح صارت غياهب ترزل بيه ..
- يولو شبيج متكليلي وين عقلج

رديت بدموع ..
- ايدي موتتني
- هسه تصير زينه
اجه جايب بايده بطل ماي دفع غياهب عني صاحت غياهب ..
- هاي شبيك تدفع
- ولي هيج

رغم الوجع الي بيه بس نسيت وجعي وكلشي صار من شفت اهتمامه وخوفه عليه مثل قبل ابتسمت بنص دموعي ..
-حنين: اي غياهب ولي انتِ

فتحت حلكها غياهب من اختلافي عليها بقت تحجي علينه وتكول صوجي اجيت وياكم غسل وجهي خنكني بالماي ..
- خنكتني
- غير اغسلج

- حتى مكياجي راح
- اكول صرت اشوف صاحبي ثاري طلع وجهج الحقيقي

- لاتجذب حتى ممخليه قليل
ابتسم بوجهي وظهرن غمازاته ..

- يبقى مكياج تلطخن روحجن بيه .. شلون صارت ايدج بعدها تأذيج
ردت ارد عليه ووقف حديثنه صوت انثوي ناعم
وهيه تصيح بأسم درغام ..

للحكايا بقايا ...»

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة الخامس عشر
98.6K 5.6K 2.1K

بواسطة hawraalsaidi
وتيرة_ الاعرج
بقلم : حوراء السعيدي
1
حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi
2
التنزيل كل يومين اذا ممكن تركزون بكلشي انزله
من ملاحظات باخر البارت او من انزل بارت عنوانه مهم او هام او توضيح بدون تجاهل لان هلشي الكم جاي اكتبه مو لنفسي موعد التنزيل بارت كامل شارحه بيه الكم طبيعة التنزيل ..

2
رفعت راسي جانت بنيه تجي بعمرنا انه وغياهب ماشايفتها قبل وباحرى ماعرفها اصلا اتقدمت باتجاهنه بابتسامة مزينه وجها بعيدا عن كلشي بس جانت جميلة بشكل ..
1
-لجين: السلام عليكم
9
اباوع لدرغام ملامحه بينت عليها التفاجئ ابتسم بوجها وهمه يتصافحون السلام بالايد ..
7
-درغام: صدفه حلوة ست لجين
- اي والله هههههههه ماتوقعت اشوفك
1
- شخبارج ان شاء لله بخير
كامو يسلمون على بعض بحرارة كأنما يعرفون بعض من سنين صارت عيونها علينه ..
- منو هل الحلوات
- بنات خالي
- سبحان الخالق خلقه وحدة
3
ابتسمنا وجها اتقدمت النه سلمت علينه ووكفت تسولف هيه وياه غياهب رجعت نفسها على السيارة منتجيه ساكته اتباوعلهم وانه عيوني تراقبهم ومركزه بكلشي يحجونه ..
4
- فرحتلج من طلع تعيينج
- اي والله صارلي سنين كاعدة وبالاخير تعوضنا الحمدلله
- وين تداومين
- بمدرسة الـ ***
- زين مو بعيدة عليكم
الي فهمته من خلال كلامهم هيه مدرسة بس اشتغل الفضول الي بداخلي منو هاي وليش هيج ميانتها قوية وياه بس ماطول هل الشي وانه اعرفه ..
7
-درغام: عرعوره وياج
3
ضحكت وهيه تجاوبه ..
-لجين: اي والله اجينه انه وياه وزهراء لان خطوبتها بعد كم يوم
- الف مبروك مقدماً
طلعت اخت علي نسيت علي عنده اخوات اثنين بعدهن مامتزوجات بس ماشايفتهن ولا اعرف اسمائهن اجه من بعيد علي وياه بنيه يمكن هيه هاي نفسها زهراء ..
4
-علي: سبع الهوره الغالي
1
-درغام: بعد روحه
اتحاضنو وطولو وهمه حاضنين بعض درغام يعتبر مجاهد وعلي اعز من روحه اصدقائه من الطفوله ولليوم هذه ماعنده غيرهم وهمه نفس الحاله ..
2
- شلونك ولك مشتاقلك يالكاطع
- حقك عليه خويه بس الدوام وظروف الحياة
- انجب وتنساني انتَ ومجاهد خوب هذه اول ماينزل يجيني مره وبعد ماشفته
- ملتهي بضيمه
التفت علينه علي ابتسمت بوجهه قلص عيونه يباوعلنه انه وغياهب ويدير بعيونه علينه ساكت بالاخير گال ..
-علي: شنو ذني سيت واحد
29
ضربه درغام على كتفه ..
-درغام: قابل سيت كلاصات هنه
- شلون تفرقون بينهن
التفت عليه درغام نزع نضاراته يباوعلي ودار وجهه ..
1
- چـا التركيز بشنو مقصر ابو حسين
- لو اركز للصبح ماافرق بينهن
- هسه عوفنه ماكو مدرسة منا منا تاخذك طولتها
- الله وايدك تحصللنه وحدة على عرفك
- لجين مو داومت خلي تشوفلك
- تجيبها فاهيه مثلها ماريد عمي
-لجين: مو فاهيه انه
10
-علي: بعد اخوج وين اكو منج انتِ
شكد حلوه علاقتهم حسب مامره سولفلنه درغام علي من اتوفت امه هُوَ الي صار مسؤؤل عن اخواته اثنين اتزوجن واثنين بعدهن كمل دراسته وهم صار مدرس وضعه زين وعايشين بهدوء ماعليهم باحد غير نفسهم ..
سلمو علينه كالو يريدون يكملون شراء الشغلات الي محتاجيها للخطوبه راحو دارت غياهب علينه ..
-غياهب: خلونه نرجع للبيت
-حنين: مو انتِ لحيتي نجي شبيج هسه
اباوعلها ايديها يرجفن رحت عليها لزمتها يمكن اجتها النوبه تبقى ترجف من تعصب او تنقهر بس هسه شبيها قبل شويه ماجان بيها شي ..
8
- غياهب شبيج
ضغطت على ايدي بقوة شهكت النفس شهك لزمها درغام فتح باب السيارة كعدها وهيه على وضعها سحبت البطل الي غسلني بيه صرت اغسل بوجها بلعت غصتي شحجي وشكول كله بسبب ذيج المره اختي صارت عندها هل الحاله ..
18
مرت دقائق بدت ترجع لوضعها الطبيعي حسيتها انحرجت من درغام لان هيه تسوي كلشي ولا تجيها هل الحاله كدام احد تضوج دنك عليها درغام يحجي وياها ..
1
-درغام: شلون صرتي اخذج للمستشفى
-غياهب: لا صرت احسن بس رجعني للبيت
هز براسه رجعنه صعدنه خليتها تكعد يمي وره جبرتها تتمدد حطت راسها على رجلي مغمضه عيونها مسحت دمعتي الي نزلت على اختي الي عاشت طفوله صعبه مليانه قساوه مو من اي شخص من امها نفسها مد ايده وهُوَ يسوق لازم بيها كلنس اخذته منه بدون ما احجي ..

طول الطريق الصمت سيد الموقف الى ان وصلنا كعدت نزلت كدامنه ردت انزل بس الي وقفني منظر درغام وكفت يم باب سيارته ..
-حنين: شبيك درغام
باوعلي بتعب عاكد حاجبه سحبت الجكارة منه ذبيتها وهُوَ على سكته ..
- شبيكم لا تخوفوني من ساعه مابيكم شي
عدل كعدته بس مبين بيه شي ..
- مابيه شي شويه دخت روحي الاختج
- وانتَ
- راجع للبيت لا تخافين روحي الاختج تعبانه خليج يمها لا تعوفينها
هزيت راسي صرت امشي وعيوني على سيارته گلبي ممرتاح لشكله حرك بسيارته وطلع دخلت للبيت غياهب متمدده على القنفه الي بالصاله كعدت حيل مابيه احس تعبت من كلشي بس الي يهونها كل هذه اختبارات من رب العالمين ينطيها للبشر يختبر مدى صبره باوعت لغياهب الي مغمضه عيونها بس تهز برجلها وهنا الحاله اكدتلي اكو شي لان من تعصب وتكتم عصبيتها تصير سولتها تهز برجلها ..
- شلون صرتي
- احسن
- ليش اجتج الحاله ماجان بيج شي
ماجاوبتني بقت ساكته ماضغطت عليها عفتها براحتها دخلت لغرفتي جسمي نار من حركة گلبي اخذت ملابس وطلعت احنه عندنه حمام فوك يم غرفنا ماعندنه دخل غرفنا سبحت طولت جوه الماي بس اريد ارتاح تعبانه بس تعبي نفسي مو جسدي ..
كملت ولفيت شعري بدون ما امشطه مالي خلك اسوي اي شي شفتها كاعدة وتكتب بجهازها بس عروك كصتها تريد تطك من كد مامعصبه وتكتب سريع عاضه على شفتها ومستمرة ..
2
كعدت ساكته اراقب حركاتها مبينه تكتب شي مهم ماطولت بهل الشي وانه اشوفها شمرت الجهاز بالحايط توسعت عيوني من تصرفها وهيه تصيح ..
1
-غياهب: كاااااافيييييي
ويا عيطة صوتها دخل ابويه باوعلنه بأستغراب صارت عيونه على الجهاز الي اتفلش تقدم ناحية غياهب الي تحسها فاصله عنه بسبب اعصابها التلفانه ..
-سلطان: غياهب بابا شبيج
ماجانت كلمات عاديه بالنسبة الها كأنما جانت محتاجه هل الجمله انفجرت بنوبة بكاء خلتنا نصفن لان هيه كل اطباعها صعبه حتى البجي مو بسهوله تبجي حضنت ابويه صارت تبجي من اعماق قلبها ..
17
صرنه انه وياه صافنين بوجه بعض ماشايفينها قبل بهل الوضع وهيج حاله بقى ابويه ساكت عافها براحتها حاضنها لصدره بين ماهدئت راح صوت بكائها رحت دخلت للمطبخ وكلي ارجف من وضع اختي شنو الشي الي موصلها لهل المرحله المزريه ..
اخذت كلاص ماي اخذه بابا مني شربها رجعت ضمت وجها بصدره هادئه بس تحسها تريد تضم روحها بداخل ابويه مسح على شعرها بحنيه ..
-سلطان: ارتاحيتي
هزت براسها بمعنى اي ..
- شبيها الحلوة ليش هل البجي منو يستاهل تنزلين دمعه من عيونج عليه
ردت بصوت مخنوك ..
-غياهب: انتم تستاهلون
ضحك ابويه يلطف الجو ..
- وين احنه عنج قابل طايرين هاي مكابلينج
دك جهاز ابويه شلته باوعت للشاشه خالي جابر نغزني گلبي وشعوري ما ادري شلون صار اتجاهلت هل الشي وانطيته الابويه وكفت اراقب ملامح ابويه الي تغيرت مافهمنا شي غير من گال ..
2
-سلطان: جايك جابر جايك
بلعت ريكي بخوف حجيت بتسائل ..
-حنين: خير بابا شبيه خالي
- مابيه شي بس درغام تعبان عندهم انه رايح الهم
مالحكت اسئل شي طلع بسرعه كعدت منهاره لزمت ايديه غياهب الي كل وضعها تعبان شكد كرهت هذه اليوم وكرهت كلشي صار بيه ..
-غياهب: كومي بدلي نروحلهم ان شاء لله ماكو شي
صعدت لغرفتي بدلت شلون ماجان نزلت شفتها واكفه وصافنه فزت من صفنتها من شافتني ..
- هـا كملتي
- اي
طلعنه بسيارتها همه هم بنفس المنطقة احنه كلنه بمنطقه وحدة بس فرق افرع بينه ماطولنه واحنه ندخل بفرع بيت خالي والي هد حيلي اكثر من شفت سيارة الاسعاف واكفه ..
10
نزلت رجليه خيوط من الخوف بابا كال تعبان ماكال حالته لهلدرجه توصل للاسعاف همستلي غياهب وهيه تلزم بيه ..
- خليج هادئه لاتفضحين نفسج
- ولج شوفي سيارة اسعاف يعني وضعه مو بخير
طلعو من بيت خالي مخلين درغام بالسديه مال الاسعاف ماكو اي ردت فعل منه واسمع خالتي تبجي وتصيح ابني راح يروح مني مشت سيارة الاسعاف بسرعه التفتت الاختي ..
- فدوه خلينه نروح وراهم
- لا حنين مو مال نروح وراهم شوفي الوضع تعاي نشوف خاله بقت وحدها خطيه
سحبتني جبر عني وعيني وراهم بقت دخلنه للبيت خالتي منتهيه ركضنه عليها كومناها من الكاع نزلت دموعي وانه افرك بايدها ..
-حنين: خاله فدوه شصاير ليش هيج صار شبيه درغام
نضرتلي بنضرات عتب اي نضراتها جانت الي عتب اكدتلي الي صار انه السبب بيه ردت بتعب ..
1
-جوهره: صارله فترة ماياكل مثل العالم كاضيها جكاير يطحن بروحه طحن
10
-غياهب: ان شاء لله مابيه شي حبيبتي ادعيله انتِ دعاء الام لضناها مستجاب خليج متفائله
1
مرت ساعات نتصل محد يجاوبنا اندك الباب راحت غياهب تفتحه دخل خالي عمران يسئل شصاير حجتله خالتي وگال رايح وراهم حتى خطيه جان بملابس الدوام مالته يكول وانه راجع لبيتي واحد من الجيران ملاكي وكايله واجانه كله خوف وقلق ..

لليل يلا اتصل ابويه بعد ما ارواحنا خلصت فتحت غياهب سبيكر نسمع كلامه كلنه اجت بوقتها خاله حياة ونيروز ..
-سلطان: ها ام درغام خويه اطمني ابنج بخير
-جوهره: بداعت بناتك لا تضم عليه
1
- الله شاهد هذه مابيه شي صح تعبان بس الحمدلله وضعه اتحسن
2
نزلت دموع خالتي بعد گلب ام محد يكدر يلومها ..
- خويه ابني ليش صار بيه هيج
- والله ياخويه ما ادري شكلج بس الدكتور يكول لو متأخرين جان الولد منجلط بينه وبين الجلطه شعرايه
17
لطمت خالتي على صدرها بخوف سدته غياهب منه كعدت بجهه وحدي محمله نفسي مسؤلية الي صار نضرات خالتي ماجاي تروح من بالي حسيت على احد كعد يمي مسحت دموعي جانت نيروز ..
-نيروز: مو طمنا ابوج عليمن هل البجي بعد
-حنين: كلشي صار بسببي انه قهرته
- ياعيني قضاء وقدر لا تسوين بنفسج هيج مايصير
- راح يتحسن مو
- ان شاء لله
كالو اليله يبيتونه بالمستشقى راحو بيت خالي عمران بقينه احنه يم خالتي جوهره الي حالها متبهذل على ابنها وحيدها وكلنه ندري خالتي جوهره شنو حبها لدرغام وكفت بتعب رحت عليها ..
-حنين: وين رايحه خاله
-جوهره: ها يمه احضرلجن غرفة الخطار انتن هم تعبتن
- شسوينه علمود تعبنه روحي ارتاحي انتِ احنه ندبرو روحنه فراشات ونندلها
1
قنعتها كوه دخلتها لغرفتها ورجعت للصاله صارت عيني على باب غرفته ماهتميت لوجود غياهب رحت دخلتلها عبارة من رائحة جكاير تخنك فتحت الاضويه فراشه مخربط يعني جان نايم من متخربط تمددت بنفس المكان واحجي ويا نفسي بهمس ..
- شبيدي عليك شنو الي اكدر اسوي وما اقهرك لو تدري شسوت بيه هاي وكعتك خذت من حيلي اتمنى اكدر اخليك سعيد بس ماريد اوهمك بشي ماموجود راح اذيك اكثر
28
كعدت مسحت دموعي الي اليوم ولا وكفن من سالفة غياهب وهسه سالفة درغام وكفت اعدل بفراشه طلعت نزلة جربايه جديدة وبدلت وجوه المخاد هسه غويهبه اذا تدخل وتشوفني تكلي منين اجتج هل النداره وانتِ غرفتج ماترتبيها ..
9
كملت رحت للميز مالته بيه عطوره سحبت واحد رشيت الغرفة صارت عيني على محفظته خلي احطها بالمجر لزمتها بس من هبطات اليوم ماضال حيل بيه ايديه ميتات وكعت مني اطشرت الفلوس بالكاع دنكت الم بيهن باثناء ماجاي ارجعهن شفت صورة صغيرة سحبتها توسعت عيوني من الي شفته هاي صورتي من انه صغيرة كلبتها مكتوب وراها مواليدي وجملة " بلائي الجميل "..
31
اخ يادرغام اخ اقهرني اكثر لميتهن بسرعه وطلعت كالت غياهب حضرتلنا فراش بس منو عينه تغمض جفاني النوم كوه للفجر صليت ودعيت ربي يرجعه النه بالسلامة لان مايستاهل الي صار ..
لثاني يوم طلعو وخالتي تبوس وتشمشم بيه وهُوَ متونس عليها وكل شويه كايللها يمه حضنيني يمه هيج صار يدلل بس انه ماتقربت اله ماكدرت لان حملت نفسيتي مسؤلية كلشي بقيت ساجنه نفسي بالمطبخ واباوعلهم بالختلات من الصاله شفتهم دخلو لغرفته شو هذه بعد ماداخل صاح ..
7
-درغام: ولكم هذه ياهوووو مخلص عطري الاحبه مفرغه كله
37
عضيت شفتي عزا هاي انه والله لو يدري يشرني على الحبل لان صدك يمكن فرغت نصه وهُوَ بيه اهواي بعده جديد عاد خالتي كلتله ..
2
-جوهره: انجب لا تحجي شي .. بس اكلك ياهو مرتب غرفتك انه مادخلتلها
14
صرت اصلخ بخدودي بس لا انكشف دعيت ربي غياهب ماتفضحني وفعلاً سترت عليه يمكن هاي لو انه جان فضحتها فضيحه رجعو كعدو بالصاله وهُوَ كالت خالتي نام طلعت من المطبخ شافني خالي جابر ..
1
-جابر: ااا هاي حنونه هنا ماشفتج
-حنين: اي مو جنت با لمطبخ خالو
دحست روحي بصف غياهب الي الوضع كله ماعاجبها تقربت الي تحجي بهمس ..
-غياهب: ادري شبيج مفرغه عطر الرجال
21
- شمدرينيي فوك مارتبتله غرفته الخايس تارسها جكاير
16
- منو الخايس
- هُوَ درغام
- وانتِ شنو
25
- يعني اقصد ريحة الجكاير خايسه شبيج
- عبالي
- لا لا يروح بالج عيني
ضلو يسولفون انو لازم يرتاح ولا ينقهر ويدير باله خالي كال هل فترة راح يطلب إجازة اله لان مو بوضع يداوم بين ماتتحسن صحته ..
-جابر: سلطان ولو احرجك بس اذا مابيها احراج اريد وحدة من البنات تبقى يم خالتها تساعدها لان جوهرة هم تعبانه شويه
-سلطان: اخذهن اثنينهن
36
- ههههههه لا يخوي وحدة تكفي وتوفي
باوعتلي بخباثه وردت على خالي ..
غياهب: اي خالو حبيبي تدلل حنين تبقى هنا لان انه ماكدر اترك بابا انه اطبخله واكوي ملابسه حنين مو من ضمن هل الشغلات
28
بحلقت عيوني عليها بسيطه انه اعلمج ياغياهب كال ابويه يرجع للبيت تعبان وغياهب راحت وياه بقيت انه ببيت خالي خالي ومرته دخلو لغرفتهم بقيت كاعدة وحدي مكابله الحيطان اريد اشوفه بس شلون انه ماريدة يشوفني اخاف ينقهر بسببي ذكرت كالو نام اي هيه هاي فرصتج حنين تشوفينه ..
10
صرت اباوع خاف احد موجود مشيت بخطوات اتستر ستر خاف انكشف وانحط بموقف بايخ فتحت باب الغرفة مغمضه عيوني لايطلع صوت باوعت الغرفة ضلمه بس التيبلام مشتغل دخلت سديت الباب حاطه ايدي على گلبي نبضاته احسهن طبل باوعتله مغمض عيونه اي نايم همزين كعدت على حافة الجربايه ..

18
ابتسمت وانه اباوعله سوده عليه شصاير بيه حتى ضعفان همست بيني وبين نفسي ..
- انه اسفه ماحبيت نوصل لهل المواصيل ويكون الثمن صحتك
بقيت كاعدة دقائق ماطولت لان خفت يكعد او يجي احد ردت اكونهوانسحبت من ايدي عبالك طرت صرت فوكه ضربت كصتي بكصته حجيت بألم ..
-حنين: هاي شكووو
14
-درغام: اش صوتج
فتحت عيوني بلعت ريكي وانه اشوف وجهي كبال وجهه ..
- هاي انه والله
2
- ادري بيج انتِ والله
- خلعت ايدي
حجه بصوت تعبان مغلف ببحه ..
- خلعتي گلبي
8
رفعت نفسي اريد اكوم لان وضعنه يفشل رجع سحبني صحت ..
- اييييي شبيك
8
- وين رايحه
- حباب خليني اكوم لا يدخل احد
11
- تعبتيني حنيني حيل تعبتيني
1
نعلت وسبيت روحي الف مرة لان دخلت غرفته ..
- شسويت
9
- شنو هل السؤال الغبي
2
- ها اي هم صح سؤالي غبي
5
- تسئليني شمسويه ولج ردت انجلط من قهري منج
- مو بيدي
رفع خصله من شعري يحجي ..
- ولا بيدي حاولت اهوايه ابتعد عنج بس بكل مره الكه نفسي واكف كبال بيتكم بكل مرة الكاج كاعدة بعقلي وصلت مرحلة حتى شغلي ما اركز بيه اتصنع البرود والتجاهل وياج بس اتاذه اكثر مما انتِ تتأذين
- شسوي انه هم تعبت من الوضع
- حبيني حنيني استاهل الحب منج
61
- احم درغام اريد اطلع
2
- انجبي وكولي دلغام احلى مشتاقلها
4
- شوف وضعنه شبيك غطينه بالحرام غطوط
16
رفع حاجبه يخزر بيه عود ضلمه بس من ضوء التيبلام اكدر اشوف ..
- چـا من جنتي تحضنيني وتلزمين بايدي ماجنتي تفكرين بالحرام تشعليني شعل ومحمد
5
- التوبه التوبه بعد ما اسويها والله بس عوفني
- اعوف روحي وما اعوفج متمسك بيج انه حنيني
2
- اقصد خليني اكوم اختنكت وعلي
- وعلي ابو الحسنين الي تحلفين بيه ما اكدر اعوفج
7
دمعت عيوني من الموقف والحاله الي احنه بيها لان كاس غلط والي جاي يصير كله غلط حجيت بغصه ..
- بداعتي عوفني منظرنا مو لائق
رخه ايديه مني حررني من قيودة سحبت نفسي منه بالعه العافيه واهلها ردت اطلع من الغرفةاجاني صوته ..
- اسف انسي كلشي صار
17
طلعت بدون ما اجاوبه ايدي على گلبي الي احسه راح يطلع من مكانه كلامه صار يتردد بعقلي ..

4
**
-غرام: الجو صارله كم يوم متكهرب وبذاك اليوم كلشي مافهمت من صياحهم غير الموضوع يخص بنيه ارسلان يريد يتزوجها ولحد اخر كلام بينهم كلهم اتزوجها غصباً عليكم طلع عمر من غرفته رفع راسه شافني ابتسم بوجهي خطيه وجهه بيه آثار ضرب هُوَ وارسلان من اتضاربو ..
13
دخل للمطبخ مادري شيسوي بقيت اباوع بالتلفزيون جان مسلسل طالع اباوع عليه لان ملل ام كُميل نايمه بغرفتها وكُميل بشغله وارسلان يطلع يطب محد يدري وينه طلع عمر من الطبخ بايده صينيه بيها كعك وكوبين جاي ..
-عمر: كلت مايصير اكل وحدي فعازمج وياي
12
ابتسمت بخجل منه شكد حباب وهادئ عكس اخوه صح هم هادئ بس ذاك هدوئه يرعبك ..
15
-غرام: شكراً الك ليش تعبت نفسك
كعد وحطها كدامنه بالنص بديت اتعود عليهم خصوصاً بعد ما ام كُميل حجت ويايه مااتقيد بالعبايه لان لبسي طويل ومستور عدلت كعدتي ..
- تعبيش خاله
1
رفع راسه ضحك گال ..
- لا ماترهم اكلج خاله بعدج صغيرة
5
- الي ترتاحله
- اخاف خالي يسمعني ويجي يكمل عليه ويخلون وجهي خريطه
2
- انتَ مكمل دراسه
- اي كملت
- لعد انتَ أكبر مني فصيحلي غرام
- بس كدام خالي اصيحلج مرت خالي
8
- ههههه براحتك
صرنه ناكل ونسولف خلوق ومحترم بشكل
من يسولف مايرفع عينه حتى من امد ايدي اغمس الكعكه بالجاي الاحظه ينتظرني اشيل ايدي يلا يرجع هُوَ يغمس ..
6
- السنه التجي ارجعي كملي دراستج حرامات السنين هاي تفوتج
- ان شاء لله
- احم غرام عادي احجيلج شي
- اتفضل
- اذا الشخص غلط يحق شخص ثاني والغطه جبيرة ويمكن كسرة الشخص بس بنفس الوقت هل الشخص انجبر يسوي هيج راح يسامحه الطرف الثاني
حسيت جاي يحجي عن نفسه بس ماحبيت احرجه ..
- حسب الشخص يمكن من يسمع منك الحقيقية يعذرك ويمكن يبقى ثابت على موقفه
تحسر ساكت ..
- خلي يحاول يرجع يحجي ويا هل الشخص ويبررله كلشي ويريح ضميره
- واذا اكلج هل الشخص مايكدر يحجي كلشي اله
- هنا شوي الموضوع معقد
- مو شويه خويه اهواي معقد
مبين الموضوع حيل قاهره دخل كُميل عيونه صارت علينه ..
-كُميل: عمير حضر روحك
باوعله عمر ..
-عمر: على شنو
- لوتدري منو راح يجي
صفن عمر ثواني صاح ..
- لاااا تكوولهااا خااالييي بس لا الغثه
- اي عيناي تكول هيج ميته شوق لعموري
15
بارعله عمر بقرف يهز بايده ..
- شكدد اكرهاا شكوو جايتنا
3
- سوالف امي تلكاها بس كلتلهن مشتاقيلجن ذني ماصدكن بسرعه لمن چوالاتهن واجن يركضن
2
-غرام: عن منو تحجون
-عمر: والله يا غر.. احم اقصد مرت خالي هاي تصير امها بنت اخت مليكه وحدة زاحفه ولزكه للنعال حشاج

16
- ياا
- انه اطلع من البيت من تروح ارجع ماتحملها
- شعجب انتَ مو ارسلان
- تخاف من ارسلان ماتتقربله لان بس تتقرب يفشلها
هاي مره لكاها بغرفته تفل بنص كصتها وكلها اعلكج بالبنكه اذا اشوفج هنا بعد
126
فكيت عيوني ممصدكه الي يحجي ..
- عليك النبي صدك
- والله العظيم اسئلي خالي مايحب اقاربنه يضوج منهم واذا يجي احد يضل بس يفشل بيه او يلبسه
17
كعد كُميل سحب مني الكعكة الي بايدي ..
-غرام: مو هذه كعك ليش تاخذ مالتي
-كُميل: تعزينها عليه ولج غرام
7
- لا مو اعزها بس يعني جان اخذت جديدة
- لا هاي اطيب .. المهم عيناي اسمعيني اقاربنه زباله بالمختصر وذني احنه ننجبر نجرعهن لان نخاف
من امي ف انتِ شتسمعين منهن يطب منا يطلع منا مالج علاقة بيهن والي تحاجيج بس كليلها ارسلان هيه تخرط العافية
58
- لا قابل شعندهن ويايه حتى ماعرفهن ولا يعرفني
- ميخالف للاحتياط وحضري نفسج ذني الايام راح نشتغل عمامج
- عمامي ؟
- اي خالي لاعبالج ناسيهم بس جاي افرغ نفسي
لان شويه عندي شغل هل الفترة بشغلي
- ماراح نتاذه مو
- شكيتيني بخوفج هذه
16
-عمر: على كيفك خالي
1
- انجب انتَ ماتشوفها كاضيتها عليه بس خوف وبجي
10
- خالي حقها البنيه الي شافته مو شي قليل انطيها وقت تتعود وهيه ان شاء لله قوية
ابتسمت لكلامه للعصر ودخلن اقاربهم والله مبين حيايه من شكولهن خفت منهن مايلام بيه من يكلي جبانه سلمن سلام من وره خشومهن عبالك ماخذه ورثهن والله يالله عمر كوه جارعهن الخاطر مليكه ..
كعدو بالاستقبال المشكلة الاثار الي بوجهي بعدها اكيد هسه راح اسمع كلام منهن مجبوره اجرع السم دخلت قدمت الهن كعدت بصف كُميل وعمر اشرلي بقرف عليهن كتمت ضحكتي شلون يسوي حركة القرف ..
20
-نور: هاي شنو كموله تزوجت وماعزمتنا
23
-كُميل: صارت بسرعه عيناي ونسيناج
6
- لا والله فد زعلت منك عود احنه منك وبيك
8
- چـا ازعلي زعلة الچلاب السود
85
توسعت عيوني على كلامه باوعتلها وجها فلت
من الفشله ضحكت متفشله ..
1
- ههههههه شبيك ماتتحمل شقه
سكت عنها ماجاوبها رجعت عليه ..
-نور: هاي شبيه وجهج شنو مكتوله
5
انحرجت من سؤالها ماعرفت شلون ارد عليها بس الي صدمني صوت ارسلان اجانه وهُوَ يجاوبها ..
-ارسلان: نوره ام تنوره مابطلتي حشريتج بالناس
197
-كُميل: لا شلون غير ذيج الوحدة ماترتاح
8
وجهه فلت وصوفر من شافت ارسلان لصمها على حلكها والغريب قابله بالاهانه الولد يعتبر كلامهم اهانه الها ردت الثانية اختها تصير لان بينهن شبه ..
9
-سما:شدعوه عليك ارسلان هسه شكالت اختي
10
-ارسلان: احنه عائله مانحب الحشريه ومن تدخل فيما لا يعني لقي مالايرضي
9
مليكه اباوعلها ساكته ماسكتتهم كعد ويانه مخلي رجل على رجل وينقر باصابعه على رجله ..
رجعت للمطبخ اشوفهن راح ياكلني احسن شي ابقى هنا اشتغل الي اكدر عليه بس الطبخ التركيب مليكه مركبته بقيت واكفه احضر بالناقص دخلت هاي الي اسمها سما وكفت يمي بالمطبخ ..
-سما: شلونج
ابتسمت بوجهه ..
-غرام: الحمدلله
- شعجب ماسويتو عرس يعني شو اكو من اقاربنه مايدرون كُميل متزوج
- بعد صارت بسرعه
- بس ليش بسرعه يعني
- كتلج صارت بعد
- شكدد جذابهههه
6
التفتت الهاا متفاجئه من كلامها ..
- شنوو
اجت تقربت يمي تحجي بحقارة وخبث ..
- تره وصلنه خبرج يالعايبه
22
تصنمت بمكاني كمزت من اجاها صوت ارسلان ..
5
-ارسلان: ولججججج سما
14
كمزت هيه هم وجهه كام ينطي الوان من شافته واكف يم باب المطبخ يخزر بيها من يمي خفت ..
1
اتقرب باتجاهنا ..
- انتِ وحدة من الاثنين اما عقلج بيه خلل او زماله
23
- احترم نفسك ولا تجاوز
6
- لا عليج الله هاي كل قوتج
23
- تره ماحجيت شي جذب
1
صار يرفع بشعره لوره بايديه ..
1
- الزبده حبي
- هـاا
- الزبده شنو بتدخلج ان جانت عايبه اولا انتِ شعليج لو متعودات كل ماتجن كرامتجن تنسحل يلا ترتاحن
1
- لاتنسه احنا خطار احترم على الاقل
10
- الخطار يحترم نفسه مو يهينها
باوعلي ورجع باوعلها اتقرب الها اباوعلهم ما ادري شهمسلها باذنها وجها صوفر وكامت تبلعم دارت وجها الي لونها مخطوف ..
-سما: غرام انه اسفه
2
بسرعه طلعت من المطبخ گال ..
- انتِ زينه
هزيت براسي خانكتني العبرة رجعت اشتغل بالي كدامي عافني وطلع نزلت دموعي شبيه ضعيفه شبيه جاي اخليهم يتجاسرون عليه شخصيتيش شخصيتج غرام شلون راح تعيشين بهيج شخصية ضعيفه ..
11
صبينه العشاء حطيناه بالاستقبال والولد اباوعلهم كوه جارعينهن على اعصابهم بس ماقصرو كل شويه ذابيلهم كلمة بس غير يحسن لا ..
6
-نور: غرام انطيني ماي من يمج
1
صبيت الها بكلاص رفعت ايدي انطيهياه لزمته وين ماوخرت ايدي وكع على الاكل طفر على ملابسي صاحت بضجر ..
1

- هاي شبيج ثوله
- م مادري والله انتِ لزمتي شلون وكع
- لا انتِ فاهيه شوف شصار بينه من وراج ما ادري منين ملفين هل الشكولات
6
مادري شصارلي اتنرفزت ماكدرت اسكت ..
- شوفي نور كلامج مرجوعه عليج انه اكدر ارد عليج بنفس اخلاقج وانزل من اخلاقي الاخلاقج بس ماراح اسويها لان مخليه احترام لنفسي لسانج كصري ولا تجاوزين اولا انه محترمتج لهل لحضه ثانيا انه مو بعمرج فلا تخليني اتصرف غير تصرف وياج وانتِ ببيتنا
32
شو هاي كمزت عليه تريد تاكلني رغم ردي جان الها مابيه اي تجاوز بس فعلاً من ترد باحترام هل الطريقة شكد تحسس المقابل بالاستحقار ..
- لا والله ومصدكه نفسج بيتج
-كُميل: والزهره ام الحسن تربية شوارع
22
وكف لزم عبيهن وذبها بوجهن وهُوَ يأشر على الباب ..
- انكلعن منا احسن ما اسوي شي مايعجب كلجن خلك بـ*** امهات سحورة دايحات بالشوارع مو زين منه ومستقبلينجن
12
باوع الامه وأشرلها ..
- هنه ذني اقاربج اتفل واقندر هيج اقارب
وفعلاً سواها وطردهن من البيت رجع وهُوَ الغضب بعيونه دخل للغرفة خفت اروح وياه ويلزمني يدبدبني كعدت اشيل بالمواعين عضيت شفتي اباوع لخاله مليكه خاف زعلت مني ..
-غرام: خاله خومازعلتي
-مليكه: لا يمه وابو الزايد بيهن صوجي استقبلهن ببيتي امهات السحوره
13
دنكت اشيل المواعين گال ارسلان ..
-ارسلان: مرت خالي عوفيهن احنه نشيلهن روحي ارتاحي ماصارلج كم يوم طالعه من المستشفى
20
-غرام: حسيتها عيب همه يشيلونهن ..لا انه اشيلهن مايرادلهن شي
1
- هسه مو كنالج عوفيهن
-عمر: اي مالج علاقة بيهن حتى غسل نغسلهن
19
باوعله ارسلان ماعاجبه ..
-ارسلان: انتَ تغسلهن انه بس اشيلهن للمطبخ
30
عفتهن ودخلت للغرفة ملابسي ادمرت مرك لازم ابدلهن باوعتله كاعد بجهه ويدخن ماحاجيته اخذت دشداشه وطلعت للحمام سبحت كملت رجعت على نفس كعدته شعري ينقط ماي استحي امشط كدامه كعدت مثل العاقله شكد ماهُوَ انسان يضحك ومرح بس من يتعصب يخوف حجه بنبره هادئه عكس الي هُوَ بيه ..
-كُميل: اكلج
-غرام: كول
- انتِ من جنتي بيت اهلج هم هيج
- مافهمت شلون يعني
دار بجسمه عليه والجكارة بايده ..
- يعني ماتردين على احد إذا غلط وياج
- ماجنت اشوف اهواي ناس علاقتي بس ببنات عمي
- يعني ماطالعه شي
- اهلي مو من النوع الي عندهم الطبه والطلعه عاديه لا هل الشي ممسموح تطلع للمكان اله تكون محتاجه مثلاً طبيب همه ياخذونه دوام الف وصيه يوصون ويهددون الي تغلط تنحرم من الدوام بعد
1
- غرام لا تزعلين مني بس شخصيتج ضعيفه
8
- ادري ليش ازعل هاي حقيقه ماتنكر
- زين عاجبتج
- لا
- چـا ليش ماتغيرينها غرام انه ماكلج اتواكحي وصيري لسان وتجاوزي بالعكس انه ردج لنور كلش عجبني مانزلتي من اخلاقج الها بس حجالي ارسلان سما شحجت وياج بالمطبخ
- الله كريم
- هاي كدرتج هسه صارلي ساعه امسلت
9
- شسوي لعد بلكي اكدر اتغير انطيني وقت جاي تضغط عليه
1
- اضغط لمصلحتج
مانحس غير صوت صار بالصاله شي انكسر طلعنه اثنينه وانشوف المواعين متكسرة وبنص الصاله ..
20
-كُميل: من الله يطيح حضكم يالجحوشه مواعين مادبرتو تشيلوهن
8
-ارسلان: هذه عمير كام يجيب ويحط شمدريني
-عمر:لا تجذب كتلك راح يصيرن ثكال كتلي لا شيرادلهن هاي تاليتها
48
طلعت مليكه من غرفتها شافت المواعين مكسرة وهيه استلمتهم ..
-مليكه: منو عاتب عليكم كلتلكم البنيه هيه تشيلهن سويتو روحكم كلش نادرين من تغسل لهل الوجوه المشطوفه
56
-ارسلان: شبيج حبي نمونه هنه كم صحن باجر اجيبلج اكثر منهن لا تضوجين
هزت بايدها ورجعت لغرفتها رجع يرزل بيهم خالهم ..
-عمر: خالي تره احنه نيتنا نساعد مرتك
-كُميل: لو ساكتين احسللكم
رحت جبت المكناسه انظف المكان گال كُميل ..
- عوفي عوفي همه ينضفون دامهم كسرو
-ارسلان: راح انصير بنكلادش مالي علاقة بعد موزين مني وشلتهن
4
-غرام: عوفوهن انه انظف المكان روحو انتم
راحو كعدت انظف المكان هسه لو شايلتهن انه مو احسلي بس همه خطيه رادو يساعدوني نظفت المكان ذبيت المتكسر ووكفت اغسل المواعين والنعاس بدأ بيه كوه صرت فاتحه عيوني كملتهن دخلت لغرفة جان ماد فراشه نايم كبل ذبيت نفسي بمكاني ونمت من التعب ..
1
لنص ليل فزيت عطشانه باوعت لدولكه مابيها ماي سحبت حجابي لبسته خاف احد من الولد كاعدين وطلعت انخمش گلبي من شفت ارسلان طالع من نفس الغرفة المجهوله اي اسميها مجهوله لان ممنوع احد يدخللها باوعلي بهدوء ..
5
-ارسلان: شمكعدج
1
-غرام: ها .. اشرتله على الدولكه .. كعدت عطشانه اجيب ماي
- تفضلي للمطبخ
هزيت براسي ممفتهمه شي شنو هل الشخص وشنو السر بهل الغرفة الي ممنوع احد يتقربلها والله احس راح افقد عقلي وياهم ماجاي افتهم شي منهم كلشي غامض تريدلك احد بيهم واضح وتفهم حياته ماكو وين ورطتي نفسج ياغرام ..

13
**
طلعت من بعد معاناة ويا ابويه بسبب هل الكلب عبد دخلت لمحل الاجهزه اشتري جهاز لان جهازي اتفلش بذاك اليوم وهل الشي موجديد عليه بعض الاحيان افقد اعصابي فالجأ للتكسير ..
1
اخذت جهاز وطلعت رحت لبيت خالي اشوفهم واشوف اختي هناك خوما لايصتها اتقصدت اتركها هناك لعل شي يتغير من تصير قريبه عليه نزلت الهم دكيت الباب طلع خالي رحب بيه دخلنه جوه شفتها كاعدة وبحضنها صحن اندومي سلمت عليهم ..
10
-غياهب: خاله شلونها حنين جاي تساعدج
-جوهرة: فدوه لوجها حبيت گلبي ممقصرة
- شلون صار درغام
باوعتلي بزعل ..
- الحمدلله بس معاند يريد يرجع لدوامه
- اذا وضعه يسمحله عوفو يداوم
-حنين: لا يحتاج يرتاح بعد ماصارله غير كم يوم
رجعت جسمي على القنفه ..
- الراحه مو بالكعدة والنوم اذا النفسية تعبانه
كل هذه ماراح يفيد
- وينه هُوَ
5
أشرتلي حنين بحواجبها على غرفته ..
- اروح اشوفه هسه اجي
دكيت الباب اجاني صوته وهُوَ يگول ..
-درغام: اتفضل
دخلت جان مدنك على حاسبته رفع راسه شافني ابتسم سدها ..
- عاش من شافج أولريش
10
- لاتعاتب بربك كلشي متكوم فوك راسي صايرة
ما اندل دربي
باوعلي باهتمام ..
- ليش خير
- عوفك مني انتَ شلون صرت كالولي تريد ترجع تداوم
- لا عوفج مني انتِ احجيلي شبيج مو علساس اخوان
- والله ما ادري درغام ضايعه حيل ضايعه اخاف اخذ قرار وتكون نتائجه مضرة
- گلبج شيكلج
- بيبي تعرفني انه ما فد يوم مشيت وره گلبي انه امشي وراء عقلي
3
- اي وعقلج شيكلج
- مشوش المهم شلونها حالتك
- ماشي الحال
- ردت تنجلط من وره اختي
- انجبي
5
- لهلدرجه تحبها
- واكثر
- ان شاء لله يجي يوم وتبادلك هل المشاعر اصبر عليها لاتستعجل عندي احساس راح تبادلك كلشي بس يحتاج وقت وصبر
2
- تعبت غياهب سنين وانه منتظرها
- حقك بس احنه مانكدر نجبرها على شي ولا هيه تريد تغشك وتضحك عليك
- الله كريم بيوم ماطلعت من المستشفى اجتني تتخنس لغرفتي ولزمتها
- هاااا خوماسويتلها شي
3
- لا منين مكرود تدرين بيه فقير
24
- هُوَ لان ادري بيك فقير سئلتك .. يلا اروح انه ارجع للبيت اتأخرت
- لا تعاي اكعدي اريد اسئلج بشغله
رجعت كعدت بمكاني ..
- شنو الشغله
- غياهب احجيلي الصراحه شوفي انه من طفولتج وياج اعرفج واعرف كلشي بيج بس ما احجي
- هههههه المطلوب
- بذاك اليوم وين جنتي مادخلت بعقلي طلعتي تتمشين وعندج شي
- اخلص من سلطان تجيني انتَ
- الي يخوفنه منج انتِ تاخذين قراراتج بنفسج ماتشورين احد الي براسج تسوينه ومحد يكدرلج
- عبد رجع للساحه
1
فك عيونه ..
- شنووووو
- اي وبذاك اليوم خطفني بس انقذني ذاك الواحد منه
باوعلي بأستغراب عكد حاجبه بتسائل ..
-درغام: منو تقصدين
-غياهب: صديقك الاعرج
- ارسلان ؟؟؟
6
- اي
- وشلون عرف انتِ مخطوفه وليش مانطاني خبر
- علساس يكول لمحتهم من خطفوج ولحكتهم شمدريني ليش مانطاك خبر
- اشو تحجين عادي عندج الموضوع غياهب تعرفين عبد شنو لو تريدين اذكرج
- يعني شسوي اضل اخذ وضعية الخايفه طبه مرض حشاك شيريد يسوي خلي يسوي
1
- غياهب انتِ السبب بسجنه هل الشخص ماراح يتركج
- بالنسبة الي جداً فخوره بنفسي بالي سويته ويا
هل الكلب
- راسج يابس
- اروح انه بعدين اجي الكم
- ديري بالج
- ان شاء لله
طلعت من غرفته وكتلهم اروح لان ابويه وحدة بالبيت سلمت وطلعت هاي الناقصني اخاف من خلك زعطوط رجعت بذاكرتي لليوم الي عبد اتملص من كلشي بيه ..
قبل 3 سنوات ..
طالبة مرحلة اولى مالي علاقة لا بالرايح ولا بالجاي كعدت باحد الاماكن الي بالجامعة عيوني تراقب الموجودين باوعت للساعة ماباقي شي للمحاضرة شلت اغراضي متوجهه للقاعه جاي امشي واصطدمت بشخص وكعت اغراضي ..
دنكت الم بيهن جان الشخص بنيه بس حالها غريب دنكت ويايه تلم باغراضي وتتعذر ..
1
- اسفه اسفه مامنتبها والله اعذريني
- لا عادي بس انتِ بخير
- هـا اي اي
هزيت براسي ساكته اخذت اغراضي وهيه راحت تكمل طريقها دخلت اخذنه المحاضرة وطبعاً الطلاب شي مركزة شي بغير عالم كملت وطلعت شفت نفس البنيه تمشي وتتلفت دخلت للحمامات لا هاي وراها شي وضعها غريب ويشكك دخلت وراها للحمام بس شافتني كمزت لازمه گلبها تبجي ..
-غياهب: بيج شي
كعدت بالكاع تبجي بصوت مكتوم كعدت بمستواها ..
- احجيلي ليش وضعج هيج محتاجه شي
- وضعي صعب حيل صعب
- زين احجيلي يمكن اكدر اساعدج
- محد يكدر يساعدني
تحيرت وياها بس جنت مصره اعرف الي موصلها لهل المواصيل والخوف متملكها ..
- احجي ووعد انه اساعدج لاتخافين
- شلون تساعديني انه متورطه ويا ناس الدوله الهم
- هسه دحجي وانشوف الدوله لمنو
- شوفي راح احجي بس والله خايفه خاف اتاذه
- احجي حبيبتي كتلج انه راح اساعدج انطيتج وعد

- اكو شخص
- شبيه هل الشخص
- يريدني بيع للبنات مخدرات
7
توسعت عيوني من كلامها ..
- كملي
- يريد اسحب البنات لهذه الطريق ويكلي اذا ماتوافقين البسج تهمه تدخلج سجن
جانت تحجي بخوف ورعبه مبين هل الشخص شكد راعبها ومخوفها وكفتها اغسل بيها سكتت افكر شنو الممكن الي اكدرله انه انطيتها وعد اساعدها ..
- خليج طبيعية لان جاي تجيبين الشكوك الج
من خلال وضعج
- خايفه والله
- باجر نحجي اصبريلي بس اليوم افكر
هزت براسها ووصيتها الف وصية تكون طبيعية لان واضعها يشكك طلعت لقسمها جانت مرحلة ثالثه رجعت للبيت تفكيري بيها لازم الكه حل ماعندي غيره هُوَ الوحيد الي يكدر يساعدني سحبت جهازي اتصلت عليه ..
-درغام: عيني ونضرها
2
-غياهب: محتاجتك بشي ضروري كلش ضروري
- خير حنين بيها شي ابوج
- لا مابيهم شي الموضوع خارج اطارهم
- احجي
- شوف اليوم بالدوام ...... حجيتله كلشي صار بالحرف الواحد شفته صفن
- وينك صفنت درغام
- موجود زين هيه عندها اثبات شي عليه
- راح من بالي اسئلها
- باجر من تشوفينها اسئليها وانطيني خبر لان مانكدر نلقي القبض بدون اي ادله
سديته منه لثاني يوم ادور عليها ماكو وين راحت ياربي وين يلا لكيتها سحبتها بجهه ..
-غياهب: شوفي انه حجيت ويا شخص بس طلب اسئلج عندج اثباتات عليه
- اي اي عندي سكرينات لكلامه من يهدد وهذه رقمه
- حلو انتظريني هنا
ابتعدت عنها بجهه اتصلت بدرغام حجيتله كلشي فهمني الي اسويه سديته رجعت الها ..
- شوفي لازم نسوي شي وشوي تعتبر مخاطرة جاهزه
- اسوي كلشي بس اخلص من هل الشخص صار كابوس بحياتي والله
- اتصلي بيه كليله انتِ موافقه تساعديه واكو بنيه ثانية هم تريد تشتغل ويانه جيب وياك كمية من الشغل
فتحت عيونها بخوف ..
- شتحجين انتِ
- افهميني لازم نلزمه بالجرم المشهود ويمكن الاثباتات الي عندج ماتسويلنه شي
بقيت احجي وياها اقنعها بصعوبه اقنعتها اتصلت بيه وكالتله مثل ماوصيتها طلب منها بس يخلص الدوام يلتقي بينه بس انطاها مكان معتزل انطيت خبر لدرغام بكلشي وكال راح يكون ويانه خطوة بخطوة مرت كم ساعة خلص الدوام اباوعلها راح تموت من التوتر والخوف ..
- اذا تبقين هيج راح تخربين كلشي لاتنسين هُوَ هنا اذا شافج راح يكشف كلشي
اجتها رساله منه دازلها تعالن طلعنه من الجامعة وادري هاي مخاطرة جبيرة مني بس لازم اخلصها منه معيشها بكابوس اخذنه تكسي وطلعنه للمكان بنص الطريق دزيت رسالة لدرغام جاوبني كملن مسيطرين على كلشي ..
نزلنا للمكان معتزل مابيه احد الخوف انزرع بداخلي اعترف لان ذوله مجرمين كلشي يسون صرنه ندخل بالدرابين كمزنه اثنينه من انفتح باب بيت جان ولد ..
-عبد: ادخلن
دخلنه جوه جان بيت هيكل كعدنه وحدة لازكه بالثانية كعد كبالنه نزلت عيوني على السلاح الي مخلي كدامه ..
-غياهب: ليش طلبت تشوفنه بهيج مكان
-عبد: علمود مانجيب الشكوك النه ياحلوة
- صح
باوع للبنيه سئلها ..
- شعجب وافقتي مو جنتي رافضه وفوكاها هسه موافقه وجايبه وياج وحدة شنو هل التطورات
- اي من فكرتلها شفت الشغل راح يفيدني
نضراته الي نضرات قذره شكله مقرف كام وكف ..
- انه ماجبت اي شي اليوم ويايه
ضغطت على اسناني بقوة معناها هيج ماراح نستفاد شي ..
-غياهب: ليش اتوقع اتفاقنا جان يختلف
-عبد: حبيبتي لازم نتاكد من كلشي خوماتريدين كلشي سريع بدون مانفهم الناس الي نتعامل وياها
1
بدأ يتقرب النه كعد بصف البنيه ونضراته الوسخه تحجي شنو الي اباله وكفت باوعت سلاحه بمكانه ومكانه يصير وراء شباك وكفت اتصنع الحر ..
- ماتحس الجو حار
- لا زين
- شو محتره منه
غمزلي وهُوَ يگول ..
- خففي من الي لابسته
3
ابتسمت بتصنع بينما انه لو بيدي اشرب من دمه ..
- راح افتح الشباك
تقدمت بهدوء ومتوتره من حركتي الي راح اسويها اتخيل ابويه يعرف انه هسه وين وبشنو مورطه نفسي اله ينتحر بيه فتحت الشباك بهدوء اسمعه يهمس الها بشغلات قذره درت وجهي شفته مامنتبه سحبت السلاح بحركة سريع وكع الكلاص الي جان بصف السلاح توسعت عيونه رفعته عليه ..
- حيوان حتى الحيوانات احسن منكم ياقذرين
اشرت للبنيه تجي يمي بسرعه اجت تركض صارت وراي ايديه يرجفن ..
1
- تغدرن بيه يا سـ****
- اكل قنادر اشرف منك
ماشوفه غير عدل كعدته وصار يضحك ضحك متهستر عكدت حاجبي شبيه هذه اتخبل ..
- عليمن تضحك
- السلاح الي بايدج مابيه رصاص

- لعد تشيلك سلاح بدون مخزن شكد غبي
طلع المخزن من جيبه كله رصاص باوعت للمسدس الي بايدي طلعت المخزن الي بيه مابيه رصاص فعلاً غمضت عيوني بقلة صبر رجعت باوعتله أشرتله على السلاح ..
- بس يبقى سلاح وبيه فائده

ضحك باستهزاء ..
- ههههههههه وشلون بيه فائدة ومابيه اي رصاصه
- هسه راح تشوف فائدته بيبي
وكفت كدامه وهُوَ على نفس كعدته ماتحرك اخذ الامان لان السلاح فارغ رفعته ضربته براسه لزم راسه والدم بده ينزل صاح ..

-عبد: يابنت الكلب
-غياهب: ابوك الكلب ياكلب
بنفس للحضه دخل درغام وجماعته تقرب درغام علينه باوعله ورجع باوعلي ..
-درغام: هذه شبيه راسه
- انه ضربته
صاح واحد من الجنود ..
- عاشووو

خزره درغام سكت رجع التفت الي ..
-غياهب الخطه ماجانت هيج
- اي ادري يابه بس هل الحيوان خرب كلشي طلع ماجايب اي شي وياه عود صايرلي ذكي
اخذو الجنود ودرغام طلب من البنيه تجي وياهم تنطي افادتها كلشي تعرفه طلعنه من المكان بس للأسف كلشي راح هيج طلع رقمه مو باسمه والسكرينات من نفس الرقم مفاد اي شي اتمنيتها
لو مسجله تسجيل احد مكالماته جان اهواي فادنه
ماطول بالسجن اهواي وطلع لان اهله ظهرهم قوي بالدوله وكدرو يطلعونه البنية سوت نقل لغير محافظه وانتقلت هيه واهلها درغام حذره يتقرب الي اختفى عبد من ذاك الي عرفناه سافر خارج العراق وهسه من سنين رجع يصفي حسابه ويايه ..
نزلت للبيت فتحت الباب ردت اصعد وسمعت صوت ابويه ينادي بأسمي رحتله لغرفته وكفت يم الباب ..
-غياهب: ها بابا
-سلطان: تعاي
تقدمت اله اشرلي اكعد بصفه حضني اله يسولف ويايه ..
- اصعب شي بالنسبه للاباء من بناتهم يكبرن ويتزوجن
- ليش هذه كلامك
سكت لدقائق مرت وحجه الكلام الي اتوقعته ..
-ارسلان خطبج مني
غمضت عيوني نغزات بگلبي صارت ..
- اي وشكتله انتَ
- كتله افتح الموضوع وياج بالاول وارجعله خبر
ابتعدت منه اخفي كلشي بيه من هل الشخص ..
- افكر بالموضوع بابا وارجعلك جواب
- براحتج بنيتي
طلعت منه صعدت لغرفتي ماضلت مسبه ماسبيتها بيه طلعت خطي حطيته بالجهاز الجديد اهواي رسائل واصلتلي وجذبتني من بين الرسائل رسالة وحدة الي مجرد قريتها قلبت موازين كلشي ..

مر اسبوع كامل رجعت حنين من بيت خالي ضلت تحجي وتغلط عليه لان عفتها هناك درغام راجع لدوامه تكول خالتي كوه خلته يداوم طبعاً هيه لوبيدها تبطله حتى من شغله وتكابله ..
دخل ابويه راجع من دوامه كعد تعبان ضل يسولف هُوَ وحنين وتسولفله شكد مشتاقتله وتبوس وتحضن بيه يكلك صارلها سنه ماشايفته وتكله صاير حلو ومدري شنو وهُوَ مكيف على الوضعيه ..

-غياهب: بابا

دار وجهه عليه يضحك ..
-سلطان: نضر عيني
سكتت اتاكد من قراري الي اخذته بهل الاسبوع
ان شاء لله اكون ماستعجلت بيه ..
- انه موافقه على الزواج من ارسلان ..

ماجنت اعرف هذه قراري راح يخليني اربح
بس بنفس الوقت راح اخسر بيه ..

للحكايا بقايا ...»